Bundesliga – Bayern Munich kthen kokën nga Eze

Bayern Munich po shqyrton nënshkrimin e Eberechi Eze nga Crystal Palace, pasi lajmit negativ për transferimin e Florian Wirtz te Liverpool. Kampionët e Bundesliga ishin të gatshëm të paguanin shumë para për yllin e Leverkusen, por pasi morën vesh se Wirtz dëshiron të shkojë në Anfield, ata po shohin tashmë disa plane alternative.

Në listën e tyre janë Kaoru Mitoma i Brighton dhe Rafael Leao i AC Milan, por diskutimet për momentin janë përqëndruar më shumë tek Eze. Kontrata e mesfushorit 26 vjeçar përmban një klauzolë lirimi prej 60 milionë paundësh plus 8 milionë paund shtesë, e cila do të aktivizohet sërish në fund të sezonit. Crystal Palace ka marrëdhënie të mira me Bayern Munich pas shitjes së Michael Olise për 50.8 milionë paundë verën e kaluar.

Eze ishte objektiv i Manchester City në merkaton e fundit, dhe pritet të tërheqë përsëri interes nga klubet e Premier League. Megjithatë, klauzola e tij skadon rreth dy javë para mbylljes së merkatos së verës, duke e bërë kohën një faktor kritik në këtë transferim. “Eagles” dëshirojnë ta mbajnë yllin e tyre dhe planifikojnë të hapin bisedime për rinovimin e kontratës pas një sezoni të suksesshëm.

Goli i tij në finalen e FA Cup i dha Crystal Palace titullin e parë të madh në histori, duke siguruar gjithashtu kualifikimin në Europa League për herë të parë. Trajneri Oliver Glasner po shpreson të ndërtojë skuadrën rreth Eze dhe të forcojë ekipin për të përballuar sfidat europiane në sezonin e ri.

Megjithatë, Palace janë të vetëdijshëm që Eze mund të kërkojë një sfidë të re, në një klub që luan në UEFA Champions League, pas pesë viteve qëndrim në jug të Londrës. Nëse Bayern apo ndonjë tjetër klub europian ofron një projekt bindës dhe klauzola e lirimit aktivizohet, Eze mund të largohet. Për momentin, Crystal Palace do bëjë gjithçka për ta mbajtur lojtarin në Selhurst Park dhe për të forcuar skuadrën rreth talentit të tyre më të madh.