Atmosfera dhe emocionet që Europiani sjell për fansat e futbollit, i ngjajnë gjithmonë një feste të madhe sportive. Dhe kësaj feste, nuk i mungojnë asnjëherë, dhe partnerët e famshëm që e bëjnë akoma më të bukur kompeticionin prestigjoz. Gjigandi gjerman Heineken dhe Coca Cola kanë prezantuar fushatën e tyre dhe shishet e veçanta, të prodhuara enkas për Euro 2020.
Heineken, që cilësohet dhe birra numër 1 në botë për evente sportive, do të vijë tek fansat me një format të veçantë festiv, me logon dhe grafikat e Europianit. Ajo çka e bën dhe më të bukur promocionin janë shishet e birrës. Ato do të kenë të printuar në etiketë, flamuj të ndryshëm të kombëtareve pjesëmarrëse në Euro 2020. Kompania gjermane gjithashtu po organizon një lojë fituese për tifozët. Duke konsumuar birrën e famshme, ju keni shancin të fitoni bileta për ndeshjet e kompeticionit, ose topin origjinal të ndeshjeve të markës Adidas. Mjafton të kontrolloni kodin që gjeni në paketim, tek faqja zyrtare e Heineken.
Ndërkohë nuk kishte si të mungonte dhe Coca Cola. Brand-i më i njohur i pijeve freskuese është bërë pjesë e emocioneve të Europianit, me paketime të ndryshme që i përshtaten atmosferës festive. Coca Cola gjithashtu ka lançuar një fushatë promocionale mjaft të gjerë, me çmime dhe dhurata nga më të ndryshmet për fansat.
Duke filluar nga data 25 Maj, mjafton që të skanoni barkodin e njërës prej shisheve apo paketimeve promocionale, për të parë nëse jeni apo jo fitues. Çmimet përfshijnë: televizorë Hisense, Play Station, kupona të dyqaneve Just Eat e shumë të tjera. Përfaqësuesi i Coca Cola, Paul Hiskens u shpreh se marka e njohur gjithmonë është aty kur bëhet fjalë për kompeticione sportive. Me të ardhurat nga fushata, Coca Cola gjithashtu do të ndihmojë komunitetet lokale, duke financuar fondacionin StreetGames.
