Ja cfarë tha Ronaldo për France Football!

Ronaldo

Me ceremoninë e Topit të artë që po afron, France Football sapo ka botuar një intervistë me Cristiano Ronaldo ku janë prekur një sërë tematikash.

Ylli portugez i Juventus ka thëne ndër të tjera se rivaliteti me Lionel Messi e ka bërë një futbollist më të mirë. Të dy futbollistët kanë fituar nga 5 Topa të Artë dhe konsiderohen si dy prej më të mirëve në historinë e futbollit. Edhe pse tashmë janë përkatësisht 34 dhe 32 vjec forma e tyre vazhdon të jetë e shkëlqyer dhe nuk mungojnë në podiumet e cmimeve të mëdha individuale.

Ronaldo kaloi 9 vite tek Real Madrid para se të kalonte tek Juventus në verën e 2018 dhe përgjatë atyre viteve shumica e opinionistëve të futbollit shpreheshin se rivaliteti i afërt që kishin me njëri tjetrin i shtynte ata të përmirësoheshin gjithmonë e më shumë. Këtë hipotezë e ka pranuar edhe vetë Ronaldo duke u shprehur:

“Shumë njerëz kanë thënë që ne jemi rritur si futbollistë prej njëri-tjetrit dhe se të qenit të dy së bashku në Spanjë na ka bërë më të mirë.”

“Kjo është padiskutim e vërtetë. Unë e kam ndier më shumë prezencën e tij gjatë kohës në Madrid sesa kur isha në Manchester. Ka qenë një rivalitet i shëndetshëm. Ne ishim simbolet e klubeve tona.”

“Është gjithmonë bukur të dëgjosh të flasin mirë për ty. Më vjen mirë të thuhet se kam qenë më i miri apo një futbollist fantastik”

Megjithatë mediat nuk kanë qenë përherë pozitive në drejtim të tij dhe këtij fakti Ronaldo iu përgjigj kështu:

“Sot, dëgjoj gjithcka që thuhet për mua, por kur gjithcka të mbarojë, në fund të karrierës time, nuk do të më interesojë pasi do të shkëputem nga e gjithë kjo.”

Ronaldo është i mirënjohur për dedikimin e tij në stërvitje dhe për punën e pandalur edhe jashtë fushe e cila e ka ndihmuar të bëhet një prej më të mirëve në histori.

“Së pari nevojitet talenti, përndryshe nuk mund të arrish shumë lart,”-u shpreh ai.

“Megjithatë, talenti është i padobishëm nëse nuk punon shumë. Nuk do të kisha arritur kurrë në nivelin që jam sot pa kulturën e të punuarit fort cdo ditë.”

Ronaldo arriti shifrën e 700 golave në karrierë në humbjen 2-1 të Portugalisë përballë Ukrainës, 450 prej të cilëve i ka shënuar gjatë periudhës së tij fantastike tek Real Madrid.

I pyetur se cilin do të zgjidhte si golin e tij të preferuar, 34-vjecari zgjodhi golin akrobatik të shënuar për Real Madrid në ndeshjen ndaj klubit të tij aktual, Juventus, në cerekfinalen e Champions League 2017-18.

“Arritja e 700 golave më bën krenar, është një total golash impresiv që pak futbollistë e kanë arritur”

“Nëse do të zgjidhja një gol të preferuar, do të zgjidhja atë ndaj Juventus, sepse ishte një lloj goli që përpiqesha prej vitesh ta shënoja.”

Ronaldo

Portugezi është një prej pretendentëve për fitimin e Topit të Artë edhe këtë vit pas sezonit të parë mjaft të suksesshëm me Juventus dhe fitimit të Ligës së Kombeve me Portugalinë.

Fillimi i sezonit ka qenë sërish pozitiv për të me gola të shënura si për klubin edhe për kombëtaren. Suksesi në kampionati italian, Champions League dhe Euro 2020 do të jenë objektivat e Juventus dhe Portugalisë këtë sezon dhe me Ronaldo në skuadër gjithcka është e mundur.

Tagged with:

One Response to “Ja cfarë tha Ronaldo për France Football!”

Leave a Comment

Si të hapim faqet e basteve online?Kliko këtu!
+