Merkato – Manchester City hedh sytë nga talenti i Arsenal

Drejtuesit e Manchester City janë të interesuar për shërbimet e mbrojtësit të Arsenal, Kieran Tierney. “Qytetarët” po kërkojnë të afrojnë në klub një mbrojtës të majtë, dhe talenti i londinezëve është në listën e City. Lajmi është konfirmuar nga prestigjozja 90 min, teksa pas largimit të Oleksandr Zinchenko drejt Arsenal, Pep Guardiola nuk ka një emër të dalluar në krahun e majtë të mbrojtjes në ekip.

Joao Cancelo, i cili është natyralisht një mbrojtës i djathtë, është aktivizuar në krahun e majtë për të mbushur boshllëkun në repartin difensiv të City. Megjithatë, Pep Guardiola është në kërkim të një lojtari që aktivizohet natyralisht në krahun e djathtë, për të ndihmuar ekipin që të përmbushë objektivat e sezonit të ri.

Tekniku spanjoll vlerëson shumë eksperiencën që Tierney ka në Premier League, por duket se Arsenal nuk është ende gati të heqë dorë nga mbrojtësi. Kjo pavarësisht afrimit të Zinchenko, i cili aktivizohet në të njejtin pozicion si Tierney. Ukrainasi e ka nisur sezonin në krahun e majtë, por kjo ka ardhur si pasojë e mungesës së Tierney për shkak të dëmtimit. Mikel Arteta ka planifikuar që pasi skocezi të jetë rikuperuar, Zinchenko do të aktivizohet në rolin e tij të preferuar në mesfushë.

Duke marrë parasysh se transferimi i Kieran Tierney është një lëvizje e komplikuar dhe e kushtueshme, drejtuesit e Manchester City po vëzhgojnë dhe një sërë alternativash të tjera. Mes tyre është dhe Alex Grimaldo i Benfica. Ky i fundit ka qënë më parë dhe nën shënjestrën e Arsenal. City-t i është ofruar gjithashtu mundësia për të firmosur me Renan Lodi të Atletico Madrid. “Qytetarët” ndërkohë janë shumë afër finalizimit të marrëveshjes me Sergio Gomez të Anderlecht. Ky i fundit e nisi karrierën e tij si një mesfushor, por me kalimin e kohës u konsolidua në fushë si një mbrojtës i majtë.

Leave a Reply

Your email address will not be published.

New bookmakers
Mozzart Bet
Mozzart Bet

100% BONUS deri në 100 EUR mbi depozitën e parë!

Evobet Sportsbook
Evobet Sportsbook

100% BONUS deri në 200 EUR mbi depozitën e parë!

Powbet Sportsbook
Powbet Sportsbook

100% BONUS deri në 100 EUR mbi depozitën e parë!

Cyber.bet Sportsbook
Cyber.bet Sportsbook

100% BONUS deri në 300 EUR mbi depozitën e parë!