Raportimet më të fundit të Express në Angli, bëjnë me dije se Newcastle po tenton të joshë Jose Mourinho për t’iu bashkuar ekipit sezonin e ardhshëm. Pavarësisht faktit se trajneri aktual i klubit, Eddie Howe, ka performuar majft mirë në krye të pankinës, drejtuesit e Newcastle i kanë sytë nga asi portugez i Romës.
Të ashtuquajturit “The Magpies” nuk do të kenë probleme me buxhetin në merkaton e verës, dhe nëse me shumë gjasa, gjithçka do të varet nga dëshira e Mourinho për t’u rikthyer në Angli. Ky i fundit u përfol për t’u vendosur në krye të pankinës së St James Park, që përpara zyrtarizimit të Eddie Howe. Howe filloi punën e tij në nëntor, duke afruar gjatë meraktos së janarit 3 lojtarë mjaft cilësorë në ekip: Kieran Trippier, Chris Wood dhe Bruno Guimaraes. Impakti i këtyre të fundit ishte i menjëhershëm dhe Newcastle i shpëtoi rrezikut të rënies nga kategoria.
Por mesa duket kjo nuk do t’i mjaftojë Howe për të shpëtuar postin e tij, teksa pronarët e klubit kanë ambicie shumë më të mëdha sesa të përfundojnë kampionatin në mesin e renditjes. Mourinho ndërkohë e ka provuar se di të fitojë trofe, por shumë mund të argumentojnë se aftësitë e portugezit si trajner janë në rënie.
Ish-sulmuesi i Tottenham, Darren Bent, ka dhënë verdiktin e tij mbi lajmet se “The Special One” mund të jetë trajneri i ri i Newcastle. Bent tha:
“Newcastle është i vetmi vend që shoh dhe mendoj se është një kombinim perfekt (me Mourinho).”
