Premier League – Klubet në garë për yllin e Bayer Leverkusen

Arsenal, Manchester United dhe Chelsea kanë treguar interes për sulmuesin e Bayer Leverkusen, Patrik Schick, këtë verë. Burime pranë klubit gjerman kanë raportuar se të tre klubet e Premier League po ndjekin nga afër të ardhmen e Schick te Leverkusen dhe gjermanët mund të shqyrtojë oferta në shifrat e 30 deri 40 milionë euro për sulmuesin çek.

Schick ka lënë gjurmë këtë sezon me 30 gola në të gjitha kompeticionet, për klubin dhe për kombëtaren e Republikës Çeke. Kontrata e tij me Bayer Leverkusen skadon në 2027, por e ardhmja e tij te klubi është e pasigurt këtë verë. Ai mund të jetë një nga lojtarët që po vlerësojnë mundësinë e largimit, së bashku me Jonathan Tah, i cili po i afrohet fundit të kontratës, por dhe Jeremie Frimpong, Florian Wirtz, e madje edhe trajneri Xabi Alonso.

Schick ka qenë në radarët e klubeve angleze më parë, por interesimi i Arsenal, United dhe Chelsea po rritet pas formës së tij të shkëlqyer këtë sezon. Pas eleminimit nga PSG në UEFA Champions League, problemet e londinezëve me realizimin e golave janë bërë evidente, madje dhe para dëmtimeve të Kai Havertz dhe Gabriel Jesus, dhe ata e shohin Schick si një alternativë të mirë për repartin sulmues, së bashku me emra të tjerë për merkato.

Chelsea po përballet gjithashtu me vështirësi në sulm, pasi Nicolas Jackson ka qenë i paqëndrueshëm, dhe Schick mund të konsiderohet një përmirësim në repartin ofensiv. Ndërsa për Manchester United që kërkon të startojë një kapitull të ri sezonin e ardhshëm, një sulmues bëhet prioritet pas mungesës së ndikimit nga Rasmus Hojlund dhe startit të zbehtë të Joshua Zirkzee.

Bayer Leverkusen, nga ana e tyre, kanë në dorë një aset të çmuar, por nëse mbërrijnë ofertat e duhura, përfshirë nga tre klubet angleze, ata mund të jenë të hapur për negociata. Me një çmim të arsyeshëm dhe performancë të provuar në nivelet më të larta, Patrik Schick duket se do të jetë një nga objektivat kryesore në merkato këtë verë.