Parashikimet e ardhshme

Arsenal po kalon një moment mjaft të mirë, teksa ka fituar 5 nga 6 ndeshjet e fundit, duke shënuar gjithsej 19 gola përgjatë këtyre takimeve. Të besuarit e trajnerit Mikel Arteta gjithashtu kanë avantazhin e fushës në këtë sfidë. Everton nga ana tjetër është mposhtur në 4 nga 7 transfertat e luajtura deri më tani në Premier League. Diferencat mes ekipeve janë tejet të mëdha dhe në Emirates nuk pritet të ketë surpriza.

Liverpool vjen në këtë sfidë pas fitores 1-0 ndaj Girona, dhe anglezët janë favoritë për të marrë një tjetër fitore, kësaj rradhe në kampionat përballë Fulham. Vizitorët kanë regjistruar rezultate pozitive së fundmi, me 3 fitore në 6 takime. Megjithatë, diferencat në kualitet me Liverpool mbeten të mëdha. "The Reds" kanë avantazhin e fushës dhe nuk pritet të gabojnë në Anfield.

Newcastle United është paraqitur mirë në fushën e vet në Premier League këtë sezon, teksa ekipi është mposhtur vetëm 2 herë në 7 ndeshjet e luajtura në fushën e vet. Leicester City nga ana tjetër ka aftësinë të gjejë rrugën e rrjetës, sidomos duke marre parasysh faktin se Newcastle ka pësuar gol në 5 ndeshjet e fundit. Por gjithsesi, "dhelprat" i pret një takim aspak i lehtë në St James Park.