UEFA Champions League

UEFA Champions League është një kompeticion i përvitshëm i organizuar nga UEFA. Ky kompeticion shihet si më i rëndësishmi për klube në Europë pasi vendos përballë njëra-tjetrës skuadrat më të mëdha të kontinentit. Në formatin aktual marrin pjesë 32 skuadra, fillimisht të ndara në 8 grupe dhe më pas me sistem knock-out.  

Në fazën e grupeve me nga 4 skuadra, cdo skuadër ndeshet 2 herë me secilin kundërshtar në grupin e saj. Në përfundim të kësaj faze, 2 skuadrat e renditura më lart në në secalin prej grupeve kualifikohen për më tej. Në vazhdim kompeticioni ka formatin knock-out dhe luhen 2 ndeshje në cdo përballje. Finalja luhet vetëm më një takim dhe fitimi i saj shihet si objektivi më madhor që mund të arrijë cdo klub në Europë.

Skuadra më e suksesshme në historinë e UEFA Champions League është Real Madrid me 13 trofe të këtij kompeticioni. Pas tyre vijnë me rradhë të tjerë gjigandët e tjerë të kontinentit: Milan me 7 trofe, Bayern Munich me 6, Liverpool me 6, Barcelona me 5 etj. 

Kampionët në fuqi janë bavarezët e Bayern Munich të drejtuar nga Hans Flick që sezonin e shkuar fituan cdo kompeticion në të cilin morën pjesë. Bavarezët mposhtën në finale skuadrën e Paris Saint Germain dhe fituan trofen e Champions League për herë të 6-të në historinë e tyre.

Golashënuesi më i mirë në historinë e UEFA Champions League është Cristiano Ronaldo me 134 gola, i ndjekur nga Messi me 118. Ndëra për sa i përket paraqitjeve Iker Casillas kryeson me 177 ndeshje. Megjithatë pritet që rekordi i tij të thyhet pikërisht nga Cristiano Ronaldo që për momentin ndodhet në shifrën e 174 ndeshjeve.