22 BET, biggest odds Online!
Luaj

Bundesliga

Bundesliga

bundesliga

Bundesliga është kategoria më e lartë e kampionateve të futbollit profesional në Gjermani.  Ky kampionat përbëhet nga 18 skuadra dhe funksionon me sistem promocioni dhe rënie nga kategoria në ndërveprim me Bundesliga 2. Secila skuadër luan 17 ndeshje në fushën e saj dhe 17 në tranfertë.

Në përfundim të sezonit 4 skuadrat të rënditura më lart kualifikohen për pjesëmarrje në edicionin e ardhshëm të UEFA Champions League, ndërsa vendi i 5-të dhe i 6-të në edicionin e radhës të UEFA Europa League. Ndërsa për sa i përket fundit të renditjes, 2 skuadrat e vendeve të fundit kalojnë në Bundesliga 2 dhe zëvendësohen me skuadrat e 2 vendeve të para të këtij kampionati. Gjthashtu vendi i 16-të i Bundesliga përballet në play-off me vendin e 3-të të Bundesliga 2 dhe fituesi luan në edicionin e radhës të Bundesliga.

Për sa i përket titujve të fituar, rekordmenët absolutë të këtij kampionati janë bavarezët e Bayern Munich. 30 herë kampionë të Gjermanisë, 29 prej këtyre titujve në epokën e kampionatit. Ndër skuadrat e tjera të mëdha të futbollit gjerman vlen të përmenden Borussia Dortmund, Borussia Munchengladbach, Bayer Leverkusen, Schalke 04.

Gjatë dekadës së fundit, ky kampionat ka qenë i dominuar totalisht prej Bayern Munich të cilët kanë fituar 8 edicionet e fundit. Në sezonin 2019/20 ata arritën të fitonin cdo kompeticion në të cilin morën pjesë, një arritje padyshim historike. Edhe këtë sezon Bayern Munich janë favoritët kryesorë për fitimin e kampionatit, por skuadra si Leipzig dhe Borussia Dortmund do të përpiqen të thyejnë hegjemoninë e tyre.

Rekordi i golave të shënuar në këtë kampionat mbahet prej ish-sulmuesit të Bayern Munich dhe kombëtares Gjermane, Gerd Muller, me 365 gola në 427 ndeshje. Ndërsa rekordi ndeshjeve të luajtura mbahet nga Charly Korbel që regjistroi 602 paraqitje me fanelën e Eintracht Frankfurt.