Coppa Italia

Coppa Italia është një kompeticion kupe i përvitshëm në futbollin Italian. Për nga rëndësia, është kompeticioni i dytë më i rëndësishëm në Itali, sigurisht pas Serie A.

Kampionati funksionon  si një turne me format knockout. Shorti i të gjithë kompeticionit hidhet që në fillim të tij. Secila përballje luhet me një ndeshje, përvec gjysëm-finaleve të cilat luhen me sistem vajtje-ardhje. Nëse një ndeshje jo gjysëmfinale e Coppa Italia përfundon në barazim, luhet koha shtesë prej 30 minutash dhe më pas, nëse është e nevojshme, gjuhen penalltitë.

Skuadra fituese fiton të drejtën për të luajtur në Europa League. Megjithatë nëse ata janë kualifikuar për në Champions League nga renditja në Serie A, vendi i tyre i shkon skuadrës së rradhës në renditje që nuk është kualifikuar për në kompeticionet europiane. 

Për sa i përket fitueseve, trofeun e kanë pasur fatin ta ngrejnë 16 skuadra të ndryshme. Më të sukseshmit janë padyshim bardhezinjtë e Juventus që kanë arritur ta fitojnë plot 13 herë. Pas tyre renditen me rradhë, Roma me 9, Inter me 7, Lazio me 7, etj..

Në sezonin 2019/20 skuadra fituese ishte Napoli që arriti të mposhtte në finale Juventus  pas gjuajtjes së penalltive, me kohën e rregullt që përfundoi pa gola. Ky ishte trofeu i gjashtë i Coppa Italia për napoletanët.

Lojtari me më shumë paraqitje në Coppa Italia është trajneri aktual i kombëtares italiane Roberto Mancini. Ai grumbulloi 72 paraqitje në këtë kompeticion në vitet 1981-2001.

Për sa i përket golave të shënuar rekordi mbahet nga Alessandro Altobelli me 56 gola.