Kampionati La Liga

La Liga është divizioni më i lartë i kampionateve të futbollit profesional në Spanjë. Kampionati përbëhet nga 20 skuadra të cilat luajnë 2 herë me njëra-tjetrën në 38 javët e sezonit.  

Skuadrat që e përundojnë sezonin në 4 vendet e para kualiikohen për në UEFA Champions League. Vendi i pestë dhe i gjashtë kualifikohen për në UEFA Europa League. Ndërsa në fund të renditjes 3 skuadrat e  fundit, rrëzohen në Segunda Division.

 Që prej vitit 1929 kur edhe u zhvillua kampionati i parë Spanjoll, vetëm 9 skuadra kanë arritur të shpallen kampione. Real Madrid kryeson bindshëm me 34 tituj, të ndjekur nga Barcelona me 26. Më pas vijnë me rradhë pjesa tjetër e fituesve të La Liga: Atletico Madrid me 10 tituj, Bilbao me 8, Valencia me 6, Sociedad me 2 dhe Deportivo La Coruna, Sevilla dhe Betis me nga 1.

Gjatë dekadës së fundit Real Madrid ka pasur më shumë sukses në arenën Europiane, por në La Liga skuadra që ka dominuar ndjeshëm ka qenë Barcelona. Në 10 kampionatet e fundit katalanasit kanë fituar 6. Pjesa tjetër është fituar nga Real Madrid (3) dhe Atletico Madrid (1). Sezonin e shkuar ishin Los Blancos që përfituan nga gabimet e Barcelona gjatë pjesës së fundit të ndeshjeve dhe fituan titullin e 34 në historinë e tyre.

Golashënuesi më i mirë në historinë e La Liga është Lionel Messi me 455 gola. Menjëherë pas tij renditet Cristiano Ronaldo me 311 gola. Ndërsa për sa i përket ndeshjeve të luajtura, rekordi mbahet nga Andoni Zubizarreta me 622.