Drejtuesit e Barcelonës i kanë komunikuar Sergino Dest se ai është i lirë të kërkojë për një klub tjetër. Mbrojtësi amerikan nuk është pjesë e planeve afatgjata të trajnerit Xavi, dhe kjo u pa shumë qartë gjatë këtij sezoni. Lojtari u aktivizua në vetëm 6 ndeshje, teksa klubi gjithashtu afroi veteranin Dani Alves në mes të sezonit. Ky i fundit pritet të jetë pjesë e Blaugranave dhe gjatë sezonit të ardhshëm.
Kjo do të thotë se Dest duhet të gjejë një ekip të ri dhe këtu hyn në lojë United. Anglezët janë prej kohësh admirues të mbrojtësit, dhe ky mund të jetë momenti perfekt për ta sjellë atë në Camp Nou. Trajneri i ri i “Djajëve të Kuq”, Erik ten Hag, mendon të përforcojë skuadrën me mbrojtës të djathtë për sezonin e ardhshëm. Skepticizmi është i madh në lidhje me aftësitë e Aaron Wan-Bissaka por dhe Diogo Dalot, dhe për këtë arsye, një figurë e re në klub do t’i jepte më shumë alternativa teknikut hollandez.
Megjithëse ky nuk është pozicioni më prioritar për Ten Hag, tekniku është i prirur t’i japë Dest një shans, duke qënë se ka trajnuar më parë lojtarin gjatë kohës që ai ishte pjesë e Ajax.
Burimet në Angli bëjnë me dije se ky transferim është i mundur, duke qënë se United është i hapur për të lënë Wan-Bissaka të luajë si i huazuar diku tjetër. Crystal Palace interesohet për këtë të fundit, duke qënë se lojtari është aktivizuar më parë me “shqiponjat”.
Chelsea dhe Tottenham gjithashtu po monitorojnë Dest, por në rast të një transferimi, mbrojtësi i Barcelonës është më i prirur të zgjedhë ri-bashkimin me trajnerin e tij të vjetër, Ten Hag. Financat gjithashtu nuk pritet të jenë problem, teksa kërkesat e lojtarit për rrogën nuk janë të larta, krahasuar me futbollistë të tjerë të United.
