16 skuadrat e kualifikuara, në fazën me eleminim direkt të Champions League, kanë mësuar tashmë kundërshtarët e tyre. Shorteu i UEFA ka rezervuar përballje interesante, por njëra prej tyre dallon prej të tjerave. Madrilenët e Real Madrid do të përballen me PSG, në atë që mund të konsiderohet shumë lehtë një finale e parakohshme.
Diçka e pazakontë ndodhi këtë vit me shortin e UEFA, teksa zyrtarët anulluan shortin e hedhur fillimisht, për shkak të një pasaktësie teknike. Shorteu i anulluar do të vinte përballë Manchester United dhe PSG. Anullimi i hedhjes fillestare të goglave ka mërzitur tifozët e futbollit në mbarë botën, pasi kanë humbur kështu mundësinë për të parë një tjetër përballje në fushën e blertë mes Leo Messit dhe Cristiano Ronaldos.
Portugezi e ka fituar plot 5 herë trofeun, 4 herë me Real Madrid dhe 1 herë me Manchester United. Leo Messi ndërkohë ka ngritur 4 herë kupën e Champions League me ish-klubin e tij, Barcelonën. CR7 mban momentalisht vendin e parë, si golashënuesi më i mirë i të gjitha kohërave në kompeticionin europian me 140 gola, ndërsa vendin e dytë e mban pikërisht Leo Messi, me 154 gola.
Përsa i përket përballjeve të tjera, ato janë si më poshtë:
- Sporting CP (POR) vs Manchester City (ENG)
- Salzburg (AUT) vs Bayern (GER)
- Inter (ITA) vs Liverpool (ENG)
- Chelsea (ENG) vs LOSC Lille (FRA)
- Villarreal (ESP) vs Juventus (ITA)
- Benfica (POR) vs Ajax (NED)
- Atlético (ESP) vs Manchester United (ENG)
Në ndryshim nga sezonet e kaluara të Champions League, rregulli i golit në fushë kundërshtare nuk është më në fuqi. Kjo do të thotë se në qoftë se rezultati i takimit mes 2 ekipeve, është ende në barazim pas 180 minutave lojë, skuadrat do t’i drejtohen kohës shtesë. Finalja e këtij sezoni do të luhet në Rusi, në datë 28 maj.
