Mbrojtësi italian i Chelsea, Jorginho, ka qënë lojtar mjaft i rëndësishëm për londinezët, që prej ardhjes së tij në Stamford Bridge në vitin 2018. Gjatë 2 sezoneve të fundit lojtari ka fituar Champions League-ën me ekipin e Tuchel, si dhe Europianin me kombëtaren italiane. Por mesa duket Jorginho është gati për një aventurë të re, teksa ka shprehur hapur dëshirën për të luajtur për rivalët e Manchester City.
Jorginho iu bashkua Chelsea nga italianët e Napolit për shumën e 54 milionë paundëve, por lojtari ka zbuluar se ky nuk ishte plani fillestar për të ardhmen e tij. I pyetur nga Ale Oliveira ai deklaroi:
“Përpara se të vija këtu erdhi një oferë dhe…nuk dua ta them… Nuk supozohej të vija te Chelsea. Do të bëhesha pjesë e një tjetër klubi anglez që nuk është sekret. Nëse e kërkon në internet është Manchester City. Por më pas ndodhi ajo që ndodhi dhe tani jam te Chelsea, një klub me shumë histori apo jo. Gjithçka ndodhi shumë shpejt dhe kur e pashë që isha në Londër thashë vetes le ta bëjmë këtë…”
Më pas lojtari u pyet nëse do të donte që në të ardhmen të luante për ekipin e Pep Guardiolës. Jorginho nuk e hodhi poshtë këtë mundësi:
“E kam këtë ëndërr por nuk e di nëse do të ndodhë. Guardiola është një referencë për mua. Kur isha fëmijë ndiqja Barcelonën e tij teksa fitonte gjithçka me Ronaldinhon, Xavin, Iniestan.”
Ndërkohë dhe vet Guardiola nuk e ka fshehur dëshirën e tij për të sjellë në Etihad Stadium mbrojtësin italian. Spanjolli e sheh Jorginhon si zëvëndësuesin afatgjatë të Fernandinho, i cili është në fundin e karrierës së tij.
Pavarësisht se është i lumtur në ekipin e Thomas Tuchel, nuk është çudi nëse një ditë Jorginho vendos të largohet nga Chelsea, për një aventurë të re me Manchester City-n.