Sipas Football Insider, Manchester City është ekipi që kryeson momentalisht garën për kartonin e bomberit të Borussia Dortmund, Erling Haaland. Kjo falë lidhjeve që babai i lojtarit ka me klubin anglez. Kryesuesit e Premier League po kërkojnë një sulmues që të udhëheqë vijën ofensive, dhe pas dështimit të lëvizjes për Harry Kane, Haaland është tashmë prioriteti numër 1 i Pep Guardiolës.
Një burim pranë klubit i ka bërë me dije mediave angleze se tekniku spanjoll është një fans i madh i lojtarit, dhe pronarët e klubit nga Abu Dhabi janë totalisht në mbështetje të Pep për një lëvizje të mundshme. Një tjetër informacion mjaft interesant është se babai i Haaland, Alf Inge Haaland mendohet se po shtyn djalin e tij që t’i bashkohet “qytetarëve”.
Babai i Haaland, tashmë 49 vjeç, ka luajtura 3 sezone me Manchester City në fillim të viteve 2000’. Ai është i mendimit se anglezët janë opsioni më i mirë për sulmuesin e talentuar të Dortmund. Në Etihad po bëhen gati për një marrëveshje dhe në këtë pjesë gjërat duhen menduar me kujdes pasi konkurrenca për Haaland do të jetë mjaft e madhe.
Në përfundim të sezonit, futbollisti do të jetë i disponueshëm për vlerën e 68 milionë paundëve, që është shifra për prishjen e kontratës e vendosur nga gjermanët e Dortmund. Megjithëse shifra është e lartë, ajo nuk krahasohet me klauzolat e Neymar, Messi apo Ronaldo që e kanë kaluar në të kaluarën këtë shifër. Ishte vet Manchester City që në verë pagoi plot 100 milionë paundë për Jack Grealish, plot 30 milionë më shumë sesa çmimi i kartonit të Haaland. Megjithatë, konkurrenca nga ekipet e tjera në Europë mund të rrisë vlerën që Dortmund mund të përfitojë prej shitjes së tij.
Përsa i përket City, anglezët sipas të gjitha gjasave janë gati për të paguar çdo shumë, duke marrë parasysh se përfituan 55 milionë paundë nga shitja e Ferran Torres te Barcelona.
