Emocionet janë gjithnjë e në rritje në prag të finales së madhe të Euro 2020, midis Anglisë dhe Italisë. Finalja do të zhvillohet në Wembley dhe lojtarët duhet të kalojnë dhe një pengesë të fundit për t’u shpallur kampionë të Europës. Stafi editorial i prestigjozes Oxford Mail, është pyetur për parashikimet e tyre mbi finale. Ja se çfarë kanë thënë ata:
Pete Gavan është i mendimit se Anglia do të fitojë takimin në shifrat 2-1. Ai u shpreh se nuk do të jetë një ndeshje e lehtë për “3 Luanët” dhe Italia duket në formë mjaft të mirë. Por, tifozët në Wembley dhe vrulli i momentit do të ndihmojnë Anglinë të arrijë fitoren.
Tim Hughes nënvizoi faktin se Italia e ka fituar titullin vetëm 1 herë, në vitin e largët 1968. Gjithsesi ai nuk mund të përcaktonte një fitues të sigurtë:
“Ne (Anglia) mund të fitojmë nëse zotërojmë topin dhe fushën që në fillim të lojës, por me 2 skuadra që po luajnë për gjithçka, do të jetë një betejë e tensionuar dhe potencialisht dramatike. Mund të shohim dhe disa “shtrirje” taktike të lojtarëve italianë në fushë.”
Parashikimi i analistit sportiv James Roberts ishte më specifik nga të tjerët dhe mjaft interesant. Roberts beson se koha e rregullt e takimit do të mbyllet në shifrat 1-1, dhe Italia do të fitojë në kohën shtesë. Analisti shkoi dhe më tej duke thënë se Ciro Immobile do të shënojë golin e parë të takimit.
Samantha King, parashikon një barazim 2-2 në kohën e rregullt, me Harry Kane që shënon golin e parë për Anglinë. Ndërsa Miranda Norris, vuri dhe një herë në dukje se vendimet e Gareth Southgate, kanë rezultuar gjithmonë të sakta. Sipas saj, nëse Anglia ruan qetësinë, ajo do të triumfojnë me rezultatin e mundshëm 2-1, me Harry Kane and Raheem Sterling autorë të golave.
