Trajneri i Real Madrid dhe njëkohësisht ish-trajneri i Chelsea, Carlo Ancelotti ka komentuar në prag të përballjes së dy gjigandëve në Champions League. Tekniku italian është shprehur nostalgjik për kohën e tij nën drejtimin e Chelsea, dhe gjithashtu ka thënë se ndihet keq për vështirësitë që londinezët po kalojnë këtë sezon.
Kujtojmë se Ancelotti ia doli të fitojë FA Cup dhe Premier League me Chelsea në vitin 2010. Londinezët të drejtuar nga Frank Lampard, do të luajnë sfidën e parë direkte me Real Madrid në Santiago Bernabeu ditën e mërkurë. Ancelotti u shpreh për mediat në prag të ndeshjes:
“Jam i mërzitur, po (për formën e Chelsea). Kam kujtime fantastike nga ky klub, dhe njerezit të cilët janë ende atje. Jam një fans i Chelsea, sigurisht, pasi kalova ty vite shumë të bukura atje. Shpresoj që Lampard të bëjë një punë fantastike me ta. Ai ka 20 vite më pak eksperiencë se unë, por kjo nuk do të ndryshojë atë që mund të ndodhë në lojë. Lampard ishte një lojtar fantastik, i jashtëzakonshëm, ai e di mjaft mirë se çfarë mund të ndodhë në këto ndeshje dhe eksperienca në të tilla sfida nuk vlen shumë.”
Ancelotti ndërkohë u pyet nga gazetarët dhe mbi mundësinë e një aventure të dytë tek Chelsea, por italiani u shpreh se një lëvizje e tillë nuk është në planet e tij.
Frank Lampard nga ana tjetër është shprehur se ndihet mjaft i nderuar që po drejton një klub në Champions League. Anglezi pranoi faktin se Real Madrid është ekipi favorit, por tha se ne futboll nuk ka asgjë më të bukur sesa t’u provosh njerëzve të kundërtën. Lampard gjithashtu vuri në dukje diferencat mes Premier League dhe Champions League, dhe konfirmoi dhe një herë tjetër se në kompeticionin prestigjoz, çdo gjë mund të ndodhë.