Gareth Bale është i mendimit se kombëtarja e tij mund të fitojë përballë Belgjikës, dhe të kualifikohet në Botëror, për herë të parë që prej vitit 1958. Belgjika gjendet në krye të grupit E, 7 pikë përpara Uellsit të vendit të tretë, por ka zhvilluar 2 ndeshje më shumë.
Një fitore përballë Estonisë do të katapultonte ekipin e Bale në vendin e dytë në grup, duke lënë pas Republikën Çeke. Pavarësisht kësaj, lojtari i Real Madrid nuk është i kënaqur me një vend në playoff-e. Ai u shpreh:
“Jemi të fokusuar plotësisht për të fituar grupin. Nëse fitojmë çdo sfidë mund të kualifikohemi, është e gjitha në dorën tonë, por kemi një rrugë të gjatë për të bërë. Duhet t’i marrim ndeshjet ashtu siç vijnë. Nuk mund të mendojmë se ku do të jemi pas 2 muajsh. Duhet të përqëndrohemi te përballja e rradhës që është ajo me Estoninë, dhe të shpresojmë që do të marrim 3 pikët.”
Kapiteni i Uellsit shtoi:
“E di që është klishe dhe e thonë të gjithë, por duhet të përqëndrohemi te ndeshja e rradhës. Përballë Bjellorusisë të gjithë prisnim që të fitonim, por qëlloi një nga ndeshjet tona më të vështira.”
Bale i dha fitoren kombëtares së tij në minutat shtesë përballë Bjellorusisë, duke kompletuar një tripletë, dhe një paraqitje spektakolare në nivel personal. Superstari i Real Madrid është jo vetëm lokomotiva e Uellsit, por dhe frymëzim për shumë lojtarë të rinj që ëndërrojnë të bëhen pjesë e kombëtares. Duket se 32 vjeçari e di mirë rolin dhe përgjegjësinë e tij në përfaqësuese:
“Mendoj se ende ka shumë gjëra që mund të arrijmë, ndryshe nuk do të luaja. Ne besojmë se në ditën tonë të mirë mund të mundim çdo skuadër, edhe kur nuk japim më të mirën tonë. Kemi mentalitetin e duhur për t’u kualifikuar në Kupën e Botës”