Trajneri i Arsenal, Mikel Arteta, është shprehur se e kupton frustrimin e Aaron Ramsdale, pasi ky i fundit u zëvëndësua në portë nga portiere Raya në dy ndeshjet e fundit të Arsenal. Raya, i cili iu bashkua londinezëve këtë merkato vere, bëri debutimin e tij në sfidën ndaj Everton fundjavën e kaluar, si dhe ishte titullar dhe në fitoren 4-0 të Arsenal ndaj PSV Eindhoven në Champions League.
Trajneri Arteta është shprehur se e kupton situatën e vështirë për portierët e tij, ndërkohë që ende nuk ka vendosur se cili do të jetë portieri titullar në duelin e vështirë ndaj Tottenham ditën e diel:
“Unë vuaj dhe interesohem shumë për të gjithë lojtarët që nuk luajnë, por kjo është loja. Detyra ime është të marr vendime në mënyrën më të mirë të mundshme për ekipin. E kuptoj frustrimin e tij (Ramsdale) dhe është e vështirë për të gjithë lojtarët. Ai ka qënë shumë suportues me ekipin dhe kjo është ajo që pres prej të gjithëve. Kur ti je në fushë është dikush tjetër që nuk po luan, kështu që funksionon nga të dyja anët. Deri më tani, ai është sjellë mjaft mirë.”
Arteta shtoi:
“Kjo është situatë e vështirë, dhe është e njejta gjë dhe me lojtarët e tjerë. Aaron ka një karakter të jashtëzakonshëm, ai ka një aurë mjaft karizmatike dhe të gjithë e dimë këtë. Duhet të përballemi me këtë, por unë duhet të përgatis një formacion për ndeshjet…”
Ramsdale pati startuar në 52 ndeshje rresht si titullar për Arsenal, përpara mbërritjes së Raya në klub. Arteta u kritikua për afrimin e portierit, dhe shumë analistë sportivë e cilësuan të panevojshëm, dhe potencialisht të rrezikshëm për frymën e grupit tek Arsenal. Gjithsesi, tekniku spanjoll uli rëndësinë e ardhjes së Raya, duke thënë se mes Ramsdale dhe Raya do të ketë rotacion përgjatë gjithë sezonit.