Trajneri i kombëtares angleze, Gareth Southgate, ka publikuar listen zyrtare të të gjithë lojtarëve që do të jenë pjesë e “3 Luanëve” për Kupën e Botës. Mund të thuhet se nuk ka patur surpriza, teksa dilema kryesore, ajo në lidhje me aktivizimin e mesfushorit sulmues James Maddison, ka marrë përgjigje. Lojtari i Leicester do të jetë pjesë e Anglisë në Botëror.
Duket se trajneri Southgate ka shpërblyer Maddison, për formën e tij të jashtëzakonshme këtë sezon, pavarësisht periudhës së vështirë që po kalon Leicester. Lojtari ka shënuar 6 gola dhe 4 asiste në 12 ndeshje këtë sezon, duke ndihmuar “dhelprat” për t’iu larguar zones së ftohtë të rënies nga kategoria.
Ndërkohë mes të tjerëve, Southgate gjithashtu ka përzgjedhur sulmuesin e Manchester United, Marcus Rashford, talentin e Newcastle, Callum Wilson, veteranin e besuar të Manchester City, Kyle Walker si dhe mbrojtësin e Arsenal, Ben White. Mes mungesave që tërheqin më shumë vëmendje janë Ivan Toney dhe Jarrod Bowen i West Ham. Jadon Sancho është gjithashtu një nga mungesat e bujshme.
Kalvin Phillips dhe Harry Maguire gjithashtu do të jenë pjesë e “3 Luanëve” në Katar, pavarësisht problemeve me dëmtimet dhe formën gjatë këtij sezoni. Lista e plotë e lojtarëve që do të përfaqësojnë Anglinë në Botëror është si vijon:
Në portë:
Jordan Pickford (Everton), Nick Pope (Newcastle), Aaron Ramsdale (Arsenal)
Në mbrojtje:
Harry Maguire (Manchester United), Luke Shaw (Manchester United), Eric Dier (Tottenham), John Stones (Manchester City), Kyle Walker (Manchester City), Kieran Trippier (Newcastle), Conor Coady (Everton), Ben White (Arsenal), Trent Alexander-Arnold (Liverpool)
Në mesfushë:
Jude Bellingham (Borussia Dortmund), Mason Mount (Chelsea), Conor Gallagher (Chelsea), Declan Rice (West Ham), Jordan Henderson (Liverpool), Kalvin Phillips (Manchester City)
Në sulm:
James Maddison (Leicester), Phil Foden (Manchester City), Jack Grealish (Manchester City), Harry Kane (Tottenham), Bukayo Saka (Arsenal), Raheem Sterling (Chelsea), Callum Wilson (Newcastle), Marcus Rashford (Manchester United)
