Kroacia arriti të mposhtë me rezultatin 2-1 Marokun, duke siguruar kështu medaljen e vendit të tretë, në Kupën e Botës në Katar. Përveç fitores, një tifozët kroatë kanë dhe një arsye shtesë për të festuar. Veterani i Real Madrid, Luka Modric ka shprehur dëshirën për të qënë pjesë e kombëtares, pavarësisht moshës së tij dhe faktit se botërori ka përfunduar tashmë për kroatët.
Në përfundim të sfidës me Marokun, Modric u pyet nga gazetarët nëse ka synim të jetë pjesë e Kroacisë në Europianin e vitit 2024. Mesfushori u përgjigj:
“Do të shohim. Duhet ta marr hap pas hapi, po më shijon të qënit pjesë e kombëtares. Ende mendoj se mund të performoj në një nivel të lartë. Dua të vazhdoj të paktën deri në startin e Nations League. Kjo do të më lërë kohë të mendoj dhe për Euro 2024.”
Trajneri Zlatko Dalic gjithashtu ka komentuar mbi Modric dhe veteranët e tjerë në ekipin e tij. Mosha është një faktor i rëndësishëm në performancën e lojtarëve, dhe kjo do të thotë se shumë prej tyre nuk do të jenë të disponueshëm në botërorin e ardhshëm. Europiani i 2024-ës gjithashtu nënkupton shumë dilema për teknikun. Gjithsesi, Dalic është shfaqur mjaft optimist. Ai u shpreh:
“Ky do të jetë botërori i fundit për disa prej lojtarëve të mi për shkak të moshës. Por ne kemi lojtarë të rinj në ekip dhe ka shpresë për Kroacinë. Kemi shumë lojtarë të rinj në stol. Veteranët u japin atyre konfidencë. Kroacia nuk ka asnjë arsye për të patur frikë nga e ardhmja.”
Dalic shtoi:
“A është ky fundi i një epoke? Unë nuk mendoj kështu, kemi përpara Ligën e Kombeve dhe Euro 2024. Besoj se Kroacia ka një të ardhme të ndritur.”