Jamal Musiala nuk e ka të sigurt vendin e titullarit tek Bayern Munich, dhe anglezët e Liverpool po shpresojnë të përfitojnë nga kjo situatë. “The Reds”, dhe specifikisht trajneri Klopp është adhurues i madh i Musiala, por transferimi i tij në Anfield nuk do të jetë aspak i lehtë. Momentalisht lojtari ka një kontratë aktive me Bayern Munich, të vlefshme deri në vitin 2026.
Musiala ka luajtur një rol mjaft të rëndësishëm për gjigandët bavarezë në vitet e fundit. Sezonin që lamë pas, lojtari shënoi 16 gola si dhe 16 asiste, dhe arriti të triumfojë me Bayern në Bundesliga. Pavarësisht talentit të padiskutueshëm të sulmuesit, Musiala nuk është titullar i zakonshëm në ekipin e Tuchel, dhe kjo ka ndikuar dhe në diskutimet për rinovim kontrate mes tij dhe klubit. Bisedimet pritet të zhvilloheshin që në prill, por ato nuk kanë ndodhur, dhe shkak mendohet të jenë pritshmëritë e Musiala për rolin e tij në ekip.
Kjo ka ngjallur interesin e Liverpool, por dhe një sërë klubesh të tjera europiane, pritet të monitorojnë më nga afër situatën e Musiala tek Bayern. Një prej tyre është dhe Real Madrid. Spanjollët kanë një faktor të pazakontë që i avantazhon në garën për shërbimet e Musiala. Miqësinë e ketij të fundit me Jude Bellingham. Lojtarët kanë vite që njihen me njëri-tjetrin, dhe miqësia është konfirmuar nga vet Musiala:
“Jude dhe unë u miqësuam menjëherë. Jemi argëtuar shumë në udhëtimet me Anglinë. Na pëlqente të luanim ping-pong, të shikonim shfaqje televizive dhe filma bashkë. Ishim dy të rinj që ëndërronim të bëheshim futbollistë. Jude dhe une jemi miq të ngushtë dhe do të jemi gjithmonë…”
Bellingham mund të kthehet kështu në faktor që mund të shtyjë Musiala t’i bashkohet Real Madrid një ditë. Megjithatë, për momentin është ende herët për të diskutuar mbi destinacionin e rradhës, për yllin e Bayern.
