Sulmuesi i Liverpool dhe kombëtares portugeze, Diogo Jota, do të humbasë Botërorin e Katarit për shkak të një dëmtimi. Lajmi është konfirmuar nga vet trajneri Jurgen Klopp, dhe sipas gjermanit, lojtari ka marrë një dëmtim mjaft serioz në pulpë, gjatë sfidës ndaj Manchester City në kampionat.
25 vjeçari u shoqërua me barrelë jashtë fushës së blertë, në momentet e fundit të takimit, teksa Liverpool triumfoi 1-0 përballë kampionëve në fuqi të Premier League. Së fundmi, Klopp ka komentuar dëmtimin e portugezit për mediat:
“Është një dëmtim mjaft serioz i muskulit të pulpës. Një lajm i trishtë për djaloshin, ne dhe Portugalinë. Në mënyrë surprizuese ai është okay. Ai është një djalë shumë i zgjuar. Mendoj se e kuptoi shkallën e dëmtimit që kur e nxorrëm jashtë fushe. Pas ndeshjes folëm me njëri-tjetrin dhe ai me shpjegoi se çfarë ndodhi. Mendoj se Jota e dinte që ishte një dëmtim serioz dhe do të kishte një impakt në ëndrrat e tij për Kupën e Botës.”
Vet sulmuesi në një postim në rrjetet sociale ndau lajmin e trishtë me fansat e tij. Në një status në Twitter, Jota komentoi:
“Pas një nate mjaft të mire, e imja u mbyll në mënyrën më të keqe. Në minutën e fundit të takimit një prej ëndrrave të mira mori fund. Unë do të suportoj nga jashtë, klubin dhe kombëtaren, dhe do të luftoj për t’u rikthyer sa më shpejt të jetë e mundur.”
Jota humbi startin e sezonit për shkak të një problem të ngjashëm muskulor, përpara se të rikthehej në fushat e blerta në barazimin 3-3 të “The Reds” përballë Everton. Jota luajti dhe ne fitoren 4-0 të Portugalisë përballë Republikës Çeke, ku arriti të shënojë dhe 1 gol. Gjithsesi, duket se sulmuesi i talentuar ka tashmë një rrugë të gjatë drejt rikuperimit.