Fiorentina i ka bërë me dije Manchester City dhe Tottenham, se është e gatshme të heqë dorë nga shërbimet e sulmuesit të talentuar serb, Dusan Vlahovic. Por vetëm nëse njëri prej ekipeve angleze, paguan 70 milionë paundë për kartonin e tij!
Trajneri i Tottenham, Antonio Conte, i ka bërë me dije drejtuesëve të klubit se Vlahovic është objektivi i tij kryesor në merkaton e ardhshme, për të forcuar sulmin e Spursave. Me afrimin e mundshëm të serbit, Conte gjithashtu ul presionin e një largimi potencial të Harry Kane.
Por Manchester City i Pep Guardiolës, gjithashtu i ka sytë tek Vlahovic, i cili sezonin e kaluar shënoi plot 21 gola për Fiorentinën. Muajin e kaluar, sulmuesi nuk pranoi të nënshkruajë një kontratë të re me klubin italian. Këta të fundit e dinë se herët apo vonë Vlahovic do të largohet nga ekipi, për këtë arsye, bordi drejtues kërkon që të përfitojë sa më shumë në aspektin financiar, përpara se të jetë vonë.
Dusan Vlahovic ka shënuar 6 gola në 10 ndeshjet e tij të para me kombëtaren serbe, një start mjaft premtues në arenën ndërkombëtare për lotjarin. Duke marrë parasysh rrethanat, sipas të gjitha gjasave Premier League-a do të jetë destinacioni i rradhës për sulmuesin e Fiorentinës.
City ndërkohë mendohet se do të presë merkaton verore, për të bërë një lëvizje zyrtare për kartonin e Vlahovic. Pep Guardiola preferon Erling Haaland të Borussia Dortmund, dhe ky do të jetë objektivi madhor i merkatos së dimrit për “qytetarët”. Por nëse kjo nuk realizohet, Vlahovic mbetet një opsion. Një arsye që e favorizon këtë të fundit ndaj Haaland, është fakti se kërkesat financiare të serbit janë më të arsyeshme se ato të bomberit të Dortmund. Ndërkohë Arsenal gjithashtu ka shprehur interes për talentin që po shkëlqen në Serie A.