Drejtuesit e Manchester City janë gati të përfshihen në bisedime me Bayern Munich, për të realizuar një shkëmbim mes dy klubeve gjigande. Anglezët kërkojnë shërbimet e Joshua Kimmich dhe për kartonin e tij janë të gatshëm të heqin dorë përfundimisht prej Joao Cancelo, i cili për momentin luan si i huazuar tek klubi gjerman.
Pep Guardiola është një admirues i madh i Kimmich dhe gjithashtu e sheh atë si zëvëndësuesin perfekt për Ilkay Gundogan në mesfushë, të cilit i skadon kontrata në fund të sezonit. Turkut i është ofruar një rinovim për 1 vit nga ana e City, por Barcelona gjithashtu kërkon shërbimet e tij dhe spanjollët janë gati t’i ofrojnë Gundogan një kontratë për 3 vite. Cancelo nga ana tjetër iu bashkua Bayern në formë huazimi, por gjermanët nuk janë të gatshëm të paguajnë 60 milionë paundë, që është shifra për të blerë përfundimisht kartonin e lojtarit.
Guardiola nga ana tjetër është i gatshëm të heqë dorë përfundimisht prej Cancelo, duke qënë se lojtari shkaktoi probleme në dhomat e zhveshjes tek City me shokët e tij të skuadrës, për shkak të mosaktivizimit nga Guardiola. Kimmich është një alternativë perfekte për trajnerin spanjoll i cili ka punuar për 3 vite me lojtarin në kohën kur drejtonte Bayern Munich.
Një nga aftësitë më të mira të gjermanit është fleksibiliteti i tij në fushën e blertë. Kimmich është aktivizuar si mbrojtës, por mund të luajë mjaft mirë dhe në mesfushë. Kjo e bën lojtarin perfekt për modulin e lojës të Pep Guardiolës, i cili preferon që mbrojtësit e tij të avancojnë përpara dhe të bëhen pjesë aktive e aksioneve ofensive.
Kimmich ka dhe dy vite kontratë aktive me Bayern, por mund të largohet më herët nga Gjermania. Lojtari thuhet se është në kërkim të një sfide të re, dhe disi i zhgënjyer me bavarezët pas shkarkimit të trajnerit Julian Nageslmann.