Liverpool mund të përshpejtojë planet për të siguruar shërbimet e talentit të Dortmund, Jude Bellingham. Arsyeja është interesi që Borussia ka shprehur për Naby Keita, dhe kjo mund të shërbejë për një shkëmbim të mundshëm lojtarësh mes 2 klubeve. “The Reds” janë prej kohësh adhurues të mesfushorit anglez, dhe kryesojnë garën për kartonin e tij.
Të besuarit e Jurgen Klopp e kanë nisur sezonin e ri me mjaft pikëpyetje, duke barazuar me Fulham dhe Crystal Palace, si dhe me një disfatë 2-1 ndaj Manchester United. Këto rezultate i kanë lënë të besuarit e Jurgen Klopp në vendin e 16 në kampionat. “The Reds” po kalojnë një krizë dëmtimesh në mesfushë, e cila ka ndikuar ndjeshëm në performancën e ekipit.
Momentalisht Keita, Thiago, Curtis Jones dhe Alex Oxlade-Chamberlain janë të padisponueshëm. Jordan Henderson ndërkohë është në të 30-at e tij dhe kjo i ka shtuar akoma më shumë përgjegjësi veteranit Fabinho.
Jurgen Klopp e ndjen gjithnjë e më shumë nevojën për të sjellë më shumë freski në repartin e mesfushës dhe Jude Bellingham duket lojtari perfekt për këtë detyrë. Anglezi ka dhe 3 vite kontratë aktive me Dortmund, duke qënë se firmosi rinovimin verën e kaluar. Drejtuesit e klubit gjerman humbën superstarin e tyre Erling Haaland në këtë merkato, dhe nuk duan të humbasin një tjetër lojtar të rëndësishëm.
Por kjo mund ndryshojë nisur nga interesi i gjermanëve për Keita, duke lënë mundësinë e transferimit të Bellingham në Anfield, gjatë merkatos së janarit. Sipas Mirror në Angli, shumë gjëra do të varen dhe nga progresi i Dortmund në pjesën e parë të këtij sezoni. Lojtari ka shënuar 11 gola dhe 19 asiste në 94 paraqitje me gjermanët. Mesfushori iu bashkua klubit në 2020-ën nga Birmingham City. Bellingham gjithashtu ka zhvilluar 15 ndeshje me kombëtaren angleze, pavarësisht se është vetëm 19 vjeç.