Manchester United pritet të bëjë një ofertë zyrtare për shërbimet e talentit të Benfica, Goncalo Ramos, në prag të meraktos së janarit. Megjithatë, ende nuk është e sigurt nëse një sulmues do t’i bashkohet “Djajëve të Kuq” në janar. United është në kërkim të përforcimeve pas largimit të Cristiano Ronaldos, para startit të botërorit.
Ramos ndërkohë ishte shumë afër largimit nga Benfica verën e kaluar, por vendosi të qëndrojë pas kualifikimit të klubit në Champions League. Asokohe, klubi portugez e vlerësoi në shifrën e rreth 20 milionë eurove kartonin e sulmuesit, por performanca e tij në Kupën e Botës ka ndryshuar shumë gjëra. Goncalo shënoi një tripletë në sfidën e Portugalisë përballë Zvicrës, dhe performanca e tij padyshim që ka marrë vëmendjen e shumë klubeve europiane.
Gjithsesi, drejtuesit e United kanë po ndjekin me vëmendje përveç Ramos, dhe një sërë lojtarësh të tjerë. Emrat më të përmendur nga mediat angleze janë Cody Gakpo, Rafael Leao dhe Joao Felix. Megjithatë, disa nga drejtuesit e bordit në Old Trafford mendojnë se një transferim në janar mund të rezultojë shumë i kushtueshëm, për shkak të rritjes së vlerës së kartonit, për gati të gjithë lojtarët e sipër-përmendur.
Rast konkret është ai i Gakpo. Në verë PSV e vlerësoi kartonin e futbollistit në shifrat e 30 milionë eurove, por pas paraqitjeve mjaft të mira në botëror, hollandezët mendohet se kërkojnë tashmë rreth 50 milionë euro për shërbimet e tij. Në të njejtën kohë, kjo shihet dhe si një përpjekje e PSV për të mbajtur sulmuesin në ekip, duke qënë se janë ende në garë për titullin kampion në Eredivisie.
Ndërkohë përsa i përket Joao Felix, Atletico Madrid është e gatshme të heqë dorë nga lojtari në janar, por vlerësimi prej 100 milionë euro i kartonit të tij shihet si mjaft problematik nga drejtuesit e United. Kjo është dhe arsyeja se anglezët po përqëndrohen tek pista e Goncalo Ramos.