Neymar është objektivi më i ri në radarin e arabëve të Al-Hilal, teksa përfaqësuesit e klubit ndodhen në Paris për të diskutuar me PSG, mbi një marrëveshje të mundshme. Drejtuesit parizienë janë të gatshëm të heqin dorë nga Neymar teksa i kanë sytë drejt një rindërtimit të ekipit bazuar tek talentet e reja. Neymar nga ana tjetër pritet t’i propozohet një ofertë stratosferike në planin financiar nga Al-Hilal.
Gjigandët arabë ishin në kërkim të Lionel Messi, por argjentinasi vendosi të luajë për Inter Miami në Amerikë, në këtë moment të karrierës së tij. Al-Hilal kërkon të formojë një ekip të fortë që të rivalizojë Al-Nassr ku aktivizohet Cristiano Ronaldo. Neymar me aftësitë por dhe reputacionin dhe famën e tij, i plotëson të gjitha kushtet për t’u bërë lideri i ri i ekipit.
Mësohet se drejtuesit e Al-Hilal janë të gatshëm të paguajnë rreth 45 milionë euro për kartonin e Neymar, megjithatë, arabët ende nuk kanë hapur bisedimet me klubin francez. Kontrata e Neymar skadon në vitin 2025 dhe PSG duhet të shesë lojtarin së shpejti nëse do të shmangë largimin e tij me kosto zero. Duke marrë parasysh moshën e brazilianit, oferta e Al-Hilal mund të jetë më e mira në aspektin financiar, pasi deri më tani, shumë pak klube europiane kanë shprehur interes për sulmuesin.
Historiku i tij i dëmtimeve gjithashtu nuk e favorizon lojtarin, i cili mund të jetë i prirur të mbyllë karrierën e tij në një kampionat më pak kërkues. Neymar ka luajtur më shumë se 30 paraqitje me PSG në 1 sezon, vetëm 1 herë që prej zbarkimit të tij në Paris në vitin 2017. Mbetet të shohim nëse Al-Hilal do të vijë me një ofertë konkrete, apo braziliani do të shohë diku tjetër për destinacionin e tij të rradhës në karrierë.
