Real Madrid është duke monitoruar me vëmendje situatën e Joe Gomez tek Liverpool, teksa gjigandët spanjollë mund të ndërmarrin një lëvizje konkrete gjatë merkatos së verës. Galaktikët janë në kërkim të përforcimeve në mbrojtje, dhe sipas mediave lokale në gadishullin Iberik, presidenti i klubit, Florentino Perez, ka përpiluar një listë të shkurtër, me objektivat e madrilenëve përsa i përket repartit difensiv.
Përveç Joe Gomez, opsione të tjera për të cilat “Los Blancos” interesohen janë dhe Antonio Rudiger, Pau Torres dhe Jules Kounde. Real duket se do t’i japë më shumë rëndësi sulmit gjatë merkatos së janarit, teksa objektivi kryesor mbetet transferimi i Kylian Mbappe nga PSG, dhe më pas do të përqëndrohet tek mbrojtja në verë.
Ndërkohë, Joe Gomez është rikthyer në formën e tij më të mirë tek Liverpool, pas një sërë dëmtimesh. 24 vjeçari ishte kapiten në përballjen e Liverpool me Norwich City në Carabao Cup. Ai luajti gjithashtu përballë Tottenham, teksa u fut si zëvëndësues afër fundit të takimit. Fatkeqësisht “The Reds” nuk mundën të shkonin më shumë se barazimi 2-2 përballë ekipit të Antonio Conte.
Sipas Sportsmail, lojtari është linkuar gjithashtu me një lëvizje drejt Aston Villa, por kuptohet se ky nuk është opsioni i parë, as për lojtarin, dhe as për Liverpool, që e di mjaft mirë se mund të përfitojë më shumë të ardhura nga Real Madrid. Megjithatë, Jurgen Klopp ka bërë me dije se do të tregohet “i duruar” me Gomez, duke lënë të kuptohet se mbrojtësi nuk do të largohet në janar.
Liverpool ndërkohë është i gatshëm të shesë Nat Phillips, për 15 paundë muajin e ardhshëm, duke marrë parasysh se Gomez është duke iu rikthyer formës së tij më të mirë fizike. Në të njejtën kohë Jurgen Klopp ka në dispozicion Ibrahima Konate, Joel Matip dhe Virgil van Dijk.
