Arsenal kërkon të firmosë me yllin e Brighton, Kaoru Mitoma, në fund të këtij sezoni. Ky i fundit ka qënë fantastik për Brighton këtë sezon dhe konsiderohet një nga dribluesit më të mirë në Premier League. Arsenal ndërkohë ka pikërisht nevojë për më shumë thellësi në fushë. Trajneri Arteta nuk ka mundur të krijojë rotacion në sulm, teksa Bukayo Saka dhe Gabriel Martinelli janë aktivizuar rregullisht në të gjitha kompeticionet, pavarësisht axhendës së ngjeshur. Ardhja e Mitoma në ekip do t’i ofronte më shumë fleksibilitet londinezëve në sulm.
Megjithatë, Arsenal nuk do ta ketë të lehtë të sjellë japonezin në Emirates. Londinezët po përballen me konkurrencën e fortë të Manchester United, që gjithashtu është në ndjekje të Mitoma. “Djajtë e Kuq” janë në kërkim të një anësori që u ofron më shumë siguri dhe besim. Antony dhe Sancho nuk kanë bindur me performancat e tyre këtë sezon, dhe trajneri Ten Hag ka nevojë për më shumë kualitet në repartin ofensiv.
Brighton megjithatë nuk dëshiron të humbasë një nga lojtarët e vet më të mirë, dhe kjo mund të sjellë një betejë financiare mes Arsenal dhe Manchester United, për kartonin e Mitoma. Ndërkohë, Arsenal ka gati dhe planin B nëse nuk ia del të sigurojë firmën e Mitoma. Klubi londinez është i interesuar për një tjetër japonez të të njejtit profil. Bëhet fjalë për Takefusa Kubo i Real Sociedad.
Kubo ka një kaluzolë për prishjen e kontratës në vlerën e 60 milionë eurove dhe drejtuesit e Arsenal janë gati të bëjnë një ofertë në verë. Sulmuesi ka impresionuar me paraqitjet e tij në La Liga dhe trajneri Arteta e sheh atë mjaft të vlefshëm për planet e tij për sulmin në sezonin e ri. Edhe nëse Arsenal nuk siguron shërbimet e Kubo, ky i fundit pritet të largohet nga Sociedad së shpejti.
