Ivan Toney mund të largohet nga Brentford që në merkaton e janarit, nëse klubet e interesuara për të janë të gatshme të paguajnë 80 milionë paundë. Kjo është shuma stratosferike që drejtuesit e Brentford kanë vlerësuar shërbimet e sulmuesit anglez. Lojtari është ende duke vuajtur dënimin për vënie bastesh të jashtëligjshme, dhe do të kthehet në fushat e blerta vetëm në 17 janar. Megjithatë, interesi për bomberin duket se është i lartë.
Vet Toney e ka bërë të qartë se dëshira e tij është të luajë në një klub elitar, ku mund të fitojë trofe. Kjo është dhe arsyeja se përse sulmuesi ka vendosur të bashkëpunojë me super-agjentin Jonathan Barnett. Por cili është destinacioni i ardhshëm potencial i Toney?
Chelsea i Todd Boehly është i gatshëm të hidhet në garë, pavarësisht shpenzimeve prej më shumë se 1 miliardë paundësh që prej ardhjes në krye të klubit. Blutë ende nuk po performojnë si duhet në kampionat, dhe drejtuesit e klubit mund të hidhen në sulm për Toney nëse problemet në repartin ofensiv vazhdojnë.
Arsenal nga ana tjetër gjithashtu është në kërkim të një sulmuesi, që do të rrisë shancet e tyre për të konkurruar për titullin kampion në Premier League. Mikel Arteta ka në dispozicion Gabriel Jesus dhe Eddie Nketia në sulm, dhe këta të dy kanë performuar mjaft mirë për londinezët, por asnjë prej tyre nuk është sulmues tipik. Toney nga ana tjetër shënoi plot 20 gola sezonin e kaluar, në një ekip relativisht më të dobët sesa Arsenal. Vetëm Erling Haaland dhe Harry Kane ia dolën të shënonin më shumë se shtatlarti i Brentford.
Manchester United gjithashtu është linkuar me emrin e Ivan Toney, por për momentin gara për kartonin e tij pritet të luhet mes dy favoritëve kryesorë, Arsenal dhe Chelsea.
