Chelsea është shumë afër transferimit të Moises Caicedo në Stamford Bridge. Lojtari do të jetë një tjetër përforcim në mesfushë, pas afrimit të Romeo Lavia nga Southampton për 55 milionë paundë. Ndërkohë, transferimi i Caicedo mund të vendosë një rekord të ri në Premier League, teksa Chelsea është gati të paguajë mbi 110 milionë paundë për ekuadorianin.
Blutë e Londrës janë në një garë të ashpër me Liverpool, teksa ishin këta të fundit që bënë ofertën e parë zyrtare për Caicedo. “The Reds” ishin gati të paguanin 110 milionë paundë për lojtarin, por lëvizja që ishte shumë afër përfundimit, u ndal pasi Caicedo preferon të luajë për Chelsea, dhe ka vendosur veton e tij. Mesfushori ka vendosur të mbajë premtimin e bërë ndaj bluve, duke qënë se ka rënë dakord për termat personalë me Chelsea, që në merkaton e kaluar.
Si Chelsea, ashtu dhe Liverpool, kanë nevojë për përforcime në mesfushë, pas largimeve të shumta këtë merkato vere. Blutë kanë humbur Mason Mount, N’Golo Kanté, Jorginho, Ruben Loftus-Cheek dhe Mateo Kovaci. Ndërkohë nga Liverpool, mes emrave të larguar janë Jordan Henderson, James Milner dhe Fabinho.
Ndërkohë sipas disa mediave angleze, drejtuesit e Liverpool po konsiderojnë të heqin dorë nga ndjekja e Caicedo, duke marrë parasysh qëndrimin e qartë të lojtarit. Saga e transferimit të mesfushorit duket se ka prishur dhe planet e Chelsea për afrimin e mesfushorit Tyler Adams nga Leeds united. Ky i fundit kreu me sukses vizitat mjekësore me Chelsea, por blutë e Londrës vendosën në minutën e fundit, që të gjitha përpjekjet e tyre financiare të përqëndrohen në këtë moment tek Moises Caicedo. Përsa i përket Adams, ky i fundit mund t’i bashkohet Brighton.
Chelsea ndërkohë gjithashtu kërkon të firmosë me anësorin e talentuar të Crystal Palace, Michael Olise. Megjithatë, bisedimet për lojtarin janë ende shumë larg arritjes së një marrëveshjeje konkrete.