Manchester United është gati të bëjë një kthesë “turpëruese”, duke i kërkuar rikthimin në ekip portierit spanjoll, David de Gea. Drejtuesit e ekipit dhe trajneri Ten Hag vendosën të largonin De Gea nga ekipi, duke mos i ofruar atij një rinovim kontrate në fund të sezonit të kaluar. Megjithatë, duket se tashmë United ka përsëri nevojë për disa opsione në portë.
Plani për rikthimin e De Gea erdhi pas vendimit të portierit aktual të United, Onana, për t’u rikthyer në kombëtaren e Kamerunit. Onana kishte lajmëruar më parë largimin e tij nga kombëtarja, por së fundmi ai ka vendosur të rikthehet dhe do të jetë pjesë e Kamerunit në Afcon. Kompeticioni zhvillohet nga data 13 janar deri në 11 shkurt, që do të thotë se Onana do të jetë i padisponueshëm për United gjatë kësaj periudhe. “Djajtë e Kuq” parashikohet të luajnë 8 takime brenda këtyre datave, dhe kanë nevojë për një emër që jep besim në portë.
Kapiteni i United, Bruno Fernandes, është takuar së fundmi me De Gea në Manchester. Fernandes shprehu më parë pendesën e tij, për faktin që De Gea nuk iu dha mundësia për një largim të denjë nga Old Trafford. Shumë zëra brenda klubit ishin të idesë se portieri spanjoll nuk duhej të largohej prej United, nga drejtuesit e “Djajëve të Kuq”.
Onana ishte heroi i United në sfidën ndaj Copenhagen në Champions League, pasi arriti të presë një penallti të kundërshtarëve në minutat e fundit, duke i shpëtuar ekipit të tij fitoren. Megjithatë, portiere kamerunas ka patur një start të vështirë karriere në Angli, që është karakterizuar nga disa gabime në fushën e blertë. Kjo ka rritur akoma më shumë zërat brenda klubit që janë të emocionuar për një rikthim të mundshëm të De Gea. Megjithatë, në këto momente ende nuk ka asnjë lajm konkret prej lojtarit, apo agjentëve të tij.
