Harry Kane do të jetë pjesë e Tottenham, në turin e klubit londinez në Australi dhe lindjen e largët. Pavarësisht spekullimeve mbi të ardhmen e sulmuesit anglez, duket se ende nuk ka asgjë konkrete mbi largimin e tij të mundshëm nga Tottenham.
Presidenti i klubit, Daniel Levy, u takua me përfaqësues të Bayern Munich përpara disa ditësh, për të diskutuar mbi transferimin e mundshëm të superstarit anglez. Megjithatë, duket se ende ka shumë punë për të realizuar një marrëveshje të tillë. Kujtojmë se Kane ka vetëm 1 vit të mbetur në kontratën e tij aktuale me Tottenham. Interesi për sulmuesin është i madh nga disa klube, por vlera që spursat kërkojnë për kartonin e tij është bërë problemi kryesor për arritjen e një marrëveshjeje.
Trajneri i ri i Tottenham, Ange Postecoglou, u shpreh se do të ndajë me Kane vizionin e tij për një klub të suksesshëm. E thënë më thjesht tekniku australian gjithashtu është përfshirë në bisedime, për të bindur Kane që të mos largohet nga Tottenham. Ange u shpreh:
“Kane është një nga sulmuesit më të mirë në botë dhe dua që ai të përfshihet këtu. Dua thjesht të prezantohem me Harry, t’i tregoj atij vizionin tim, të kuptoj vizionin e tij dhe të mundohem që të kemi sukses. Biseda ime me të do jetë sesi ta bëjmë këtë klub të suksesshëm dhe nuk ka dyshim që këtë e do dhe ai.”
Tottenham do të luajë në Perth përballë West Ham në një ndeshje miqësore. Më pas, londinezët do të fluturojnë drejt Tailandës, ku do të përballen me Leicester në date 23 korrik. Më pas, Harry Kane me shokë do të udhëtojnë drejt Singaporit, ku do të përballen me skuadrën vendase Lion City. Turneu para-sezonal është një mundësi e mirë për teknikun Ange, për t’u njohur më mirë me lojtarët dhe ekipin që do të drejtojë në sezonin e ri.