Sipas raportimeve të fundit, Barcelona është e interesuar në transferimin e Cesar Azpilicueta dhe Andreas Christensen. Dyshja e mbrojtjes së Chelsea shihet si një objektiv mjaft i rëndësishëm për katalanasit, të cilët kanë shfaqur probleme serioze këtë sezon në parapvijë.
Mbrojtësit e londinezëve mund të jenë të dy në dispozicion, për transferime pa kosto verën e ardhshme, duke qënë se kontratat e tyre me Chelsea përfundojnë në fund të sezonit. Kjo gjë i përshtatet shumë mirë situatës së Barcelonës, e cila ndodhet në një situate tejet të vështirë financiare, grumbullimit të borxheve prej më shumë se 1 miliardë paundësh.
Kujtojmë se në fillim të sezonit, Barcelona ndoqi të njejtën strategji, duke firmosur me kosto zero, lojtarë me mjaft potencial si Sergio Aguero, Memphis Depay dhe Eric Garcia. Por planet e gjigandëve të La Liga mund të dështojnë pa filluar mirë.
Si Cesar Azpilicueta, ashtu dhe Andreas Christensen, janë lojtarë kyç në skuadrën e Thomas Tuchel, dhe klubi mund të bëjë një lëvizje për t’i mbajtur ata në ekip, duke i ofruar kontrata të reja para përfundimit të sezonit.
Azpilicueta është kapiteni aktual i Chelsea, dhe ai mbetet një lojtar kryesor, pavarësisht nëse luan si mbrojtës qëndror apo në krah. Duke marrë parasysh faktin që Reece James është i dëmtuar, përgjegjësitë e spanjollit janë akoma më të mëdha. I njejti arsyetim mund të bëhet dhe për Christensen. Futbollisti ka një rëndësi të veçantë në formacionin e bluve, sidomos duke marrë parasysh të ardhmen e paqartë të Antonio Rudiger. Ky i fundit është përfolur për një lëvizje të mundshme drejt Real Madrid.
Anglezët dështuan në transferimin e mbrojtësit të Sevilla, Jules Kounde, gjatë merkatos verore. Për këtë arsye, Tuchel pritet të bëjë rezistencë kur vjen fjala tek largimi i mbrojtësve nga skuadra e tij.