Trajneri i Argjentinës, Lionel Scaloni, ka publikuar listën zyrtare të lojtarëve që do të përfaqësojnë kombëtaren argjentinase në botërorin e Katarit. Tekniku ka zgjedhur të kombinojë eksperiencën e veteranëve si Leo Messi dhe Angel di Maria, me freskinë e talenteve të reja si sulmuesi Julian Alvarez.
Paulo Dybala i cili ishte në dyshim për një vend në kombëtare, do të jetë pjesë e Argjentinës, pavarësisht faktit se nuk ka luajtur që prej datës 9 tetor. Sulmuesi i Juventus pritet të aktivizohet pas ndeshjeve të fazës në grupe, duke qënë se sipas të gjitha gjasave, Argjentina do të kualifikohet nga grupi C. Leo Messi me shokë do të përballen me Arabinë Saudite, Meksikën dhe Poloninë.
Ndërkohë, sulmuesi premtues i Manchester United, Alejandro Garnacho, nuk ka mundur të sigurojë dot një vend në kombëtare. Trajneri Scaloni komentoi për mediat pas publikimit të listës, duke thënë se të gjithë lojtarët e përzgjedhur janë mjaft krenarë për të veshur fanellën e përfaqësueses. Argjentina ka plot 35 ndeshje që nuk njeh shijen e humbjes, dhe është një nga ekipet favorite për të ngritur lart Kupën e Botës.
Lista e plotë e kombëtares argjentinase është si vijon:
Portierë:
Emiliano Martinez (Aston Villa), Franco Armani (River Plate) and Geronimo Rulli (Villarreal)
Mbrojtës:
Gonzalo Montiel (Sevilla), Nahuel Molina (Atletico Madrid), German Pezzella (Real Betis), Cristian Romero (Tottenham Hotspur), Nicolas Otamendi (Benfica), Lisandro Martinez (Manchester United), Juan Foyth (Villarreal), Nicolas Tagliafico (Olympique Lyonnais), Marcos Acuna (Sevilla)
Mesfushorë:
Leandro Paredes (Juventus), Guido Rodriguez (Real Betis), Enzo Fernandez (Benfica), Rodrigo De Paul (Atletico Madrid), Exequiel Palacios (Bayer Leverkusen), Alejandro Gomez (Sevilla), Alexis Mac Allister (Brighton & Hove Albion)
Sulmues:
Paulo Dybala (AS Roma), Lionel Messi (Paris St Germain), Angel Di Maria (Juventus), Nicolas Gonzalez (Fiorentina), Joaquin Correa (Inter Milan), Lautaro Martinez (Inter Milan), Julian Alvarez (Manchester City).
