Pavarësisht arritjeve të jashtëzakonshme në nivel klubi, sulmuesi i Barcelonës, Robert Lewandowski, ka ende një ëndërr të parealizuar. Bomberi polak kërkon të shënojë golin e tij të parë në një Kupë Bote. 34 vjeçari është kapiteni dhe ylli kryesor i kombëtares polake, si dhe golashënuesi më i mirë në historinë e përfaqësueses me 76 gola në 134 paraqitje.
Megjithatë, Lewandowksi ende nuk ka shënuar një gol në botëror, duke qënë se Polonia nuk ka arritur të kualifikohet në vitet 2010 dhe 2014. Ndërkohë që në botërorin e Rusisë në 2018-ën, kombëtarja realizoi vetëm 2 gola duke e mbyllur grupin në vendin e fundit. Në një intervistë për BBC Radio 5, Lewandowksi u shpreh:
“Sigurisht që ende mendoj për botërorin e fundit. Të shënosh në Kupën e Botës është një ëndërr e madhe dhe do të bëj gjithçka për ta realizuar këtë. Shpresoj që në këtë botëror do të ndodhë.”
Polonia bën pjesë në grupin C dhe do të luajë përballë Meksikës, Arabisë Saudite dhe Argjentinës. Sfidat do të jenë padyshim mjaft të vështira, dhe sulmuesi polak është i ndërgjegjshëm për këtë fakt. Lewandowksi gjithashtu i ka thurrur lëvdata yllit argjentinas Leo Messi:
“Jam i lumtur që do të kem mundësinë të përballë Argjentinës dhe Messit, ai ndryshoi futbollin përgjithmonë. Jam i gëzuar për të gjitha gjërat që kam arritur, si dhe për kujtimet e Kupës së Botës, tani është momenti ta shijojmë.”
Bomberi i Barcelonës u pyet nga gazetari Guillem Balague nëse kjo do të jetë Kupa e Botës e fundit për të, dhe Lewa dha një përgjigje që ka bërë të lumtur shumë prej adhuruesëve të tij. Ai u shpreh:
“Nuk mendoj se ky do të jetë botërori i fundit për mua. Dua të luaj dhe botërorin tjetër.”
