Kupa e Botës Qatar 2022 po i afrohet gjithnjë e më shumë startit, dhe tashmë, detajet mbi organizimin e kompeticionit prestigjoz janë më të qarta. Botërori do të startojë në 20 nëntor në stadiumin Al Bayt Stadium, teksa Katari do të përballet me Ekuadorin në ndeshjen e vlefshme për grupin A. Fillimisht ishte parashikuar që Kupa e Botës të startonte një ditë më vonë, me ndeshjen Senegal – Hollandë, por FIFA vendosi që të ishte vendi organizator, pra Katari, ai që do të startojë kompeticionin.
Anglia, që është dhe një nga kombëtaret favorite për të fituar Botërorin, do të luajë ndeshjen e saj të parë në ditën e dytë të Kupës së Botës. “3 Luanët” do të përballen me Iranin në 21 nëntor, ndërkohë që në 29 nëntor, anglezët do të sfidojnë Wales-in e Gareth Bale.
Gjatë fazës në grupe të kompeticionit, plot 4 ndeshje do të luhen çdo ditë. Kjo fazë do të zgjasë për 12 ditë dhe më pas ekipet që kualifikohen do të kalojnë në raundin e 1/16. Në ndryshim nga Europiani 2020, Botërori do të ketë një finale për vendin e tretë e cila do të luhet në datë 17 dhjetor. Ndërkohë finalja e madhe do të luhet në Lusail Stadium në Doha, vetëm 1 javë para krishtlindjeve në orën 6 të pasdites sipas orës lokale.
FIFA ka konfirmuar se ndeshjet e 2 raundeve të para të kompeticionit do të zhvillohen në orën 1, 4, 7, dhe 10 të pasdites, sipas orës lokale. Ndeshjet e fazës në grupe do të luhen në 8 stadiume të ndryshme: Al Bayt Stadium, Khalifa International Stadium, Al Thumama Stadium, Ahmad Bin Ali Stadium, Lusail Stadium, Ras Abu Aboud Stadium, Education City Stadium dhe Al Janoub Stadium.
Ndërkohë ndarja në grupe e përfaqësueseve është si vijon:
- Grupi A: Qatar, Ecuador, Senegal, Netherlands
- Grupi B: England, Iran, USA, Wales
- Grupi C: Argentina, Saudi Arabia, Mexico, Poland
- Grupi D: France, Australia, Denmark, Tunisia
- Grupi E: Spain, Costa Rica, Germany, Japan
- Grupi F: Belgium, Canada, Morocco, Croatia
- Grupi G: Brazil, Serbia, Switzerland, Cameroon
- Grupi H: Portugal, Ghana, Uruguay, South Korea