Kryeqyteti irlandez, Dublini, është përjashtuar nga organizimi i Europianit, me vendim zyrtar të UEFAs. Organi më i lartë europian i futbollit bëri të ditur vendimin në video-konferencën më të fundit. UEFA theksoi se arsyeja e vendimit ishte pamundësia e qeverisë irlandeze për të garantuar praninë e fansave në stadiume.
Sigurisht, ky zhvillim solli një ndryshim planesh në organizimin e ndeshjeve. 3 ndeshje të grupit E që përfshijnë Sllovakinë, Suedinë dhe Poloninë do të luhen në Shën Petersburg. Ndërkohë, ndeshja e fazes së 1/16 që ishte planifikuar të luhej në Aviva Stadium, do të luhet në Wembly.
Ministri irlandez i Sporteve, Jack Chambers u shpreh për mediat:
“Sigurisht që jemi të dëshpëruar pas këtij vendimi. Por, duhet të jemi të sinqertë për atë që mund të ndodhë gjatë pandemisë.
Jack Chambers
Fansat tanë do të kthehen në stadiume këtë verë, por një start me 11,000 persona që në qershor do të ishte një hap shumë i madh.”
Ndërkohë qyteti i Munich ka marrë zyrtarisht dritën jeshile për organizimin e ndeshjeve. Kjo erdhi pas garancisë së autoriteteve gjermane, se të paktën 14,500 fansa do të jenë të pranishëm gjatë sfidave që do të zhvillohen në Gjermani. Nga ana tjetër, ndeshjet që do të zhvilloheshin në Bilbao janë zhvendosur në qytetin e Sevilla.
Presidenti i UEFA, Aleksander Ceferin, pas konferencës deklaroi:
“UEFA i shpreh gjithë mirënjohjen dhe vlerësimin e saj Bilbaos dhe Dublinit. Të dyja qytetet konsiderohen si arena mjaft të mira për organizimin e eventeve të tjera në të ardhmen.”
Aleksander Ceferin
UEFA gjithashtu bëri të ditur se biletat e blera në dy qytetet janë anulluar dhe tifozët do të ri-konpensohen. Gjtihashtu, nëse këta tifozë do të dëshirojnë të jenë prezentë në vendndodhjen e re ku do të zhvillohen ndeshjet, ata do të kenë akses prioritar për bileta.
