Tani që Euro 2020, ose më mirë Euro 2021 është më pak se 3 muaj larg, mediat sportive kanë filluar të flasin rreth talenteve që pritet të vendosin dhe fatin e këtij kompeticioni. Mes emrave si Mbappe, Ronaldo, Griezmann, Bale, De Bruyne, e shumë të tjerë, ka dhe lojtarë të rinj, të cilët ende nuk kanë treguar potencialin e tyre në skenën europiane. Më poshtë do të njiheni me disa nga emrat e rinj që mund të rezultojnë lojtarë deçizivë për kombëtaret e tyre në kompeticionin prestigjioz.
Kai Havertz ,
20 vjeçari ka konsoliduar pozitat e tij si një nga lojtarët kyç të Bayer Leverkusen këtë sezon. Mesfushori gjerman është një talent unik që shumë lehtë, mund të jetë ajo çka i ka munguar përfaqësueses gjermane kohët e fundit. Pikërisht fresika e një lojtari të ri.
Sandro Tonali ,
është talenti italian i shumë-përfolur, që pritet të lërë gjurmën e tij këtë Europian me kombëtaren italiane.
19 vjeçari që aktivizohet me skuadrën e Milan, shpesh herë është krahasuar me Andres Iniestan për nga mënyra dhe stili i lojës. Në rast se krijohen hapësirat e duhura në kombëtaren italiane, Tonali ka vërtet shumë për të dhënë.
Dejan Kulusevski ,
është mesfushori suedez që ka treguar se mund të mbajë përgjegjësi të mëdha dhe në skuadra si Juventus.
19 vjeçari firmosi në janar me “Zonjën e Vjetër” dhe që prej atij momenti ka treguar shenja pjekurie dhe një nivel të lartë loje në çdo paraqitje.
Jadon Sancho ,
është një nga talentet më të përfolur të përfaqësueses angleze gjatë kohëve të fundit.
19 vjeçari ka zhvilluar paraqitje fantastike me Borussia Dortmund dhe për këtë arsye pritet të jetë një pikë referimi për “3 Luanët”.
Joao Felix ,
Portugalia ka të drejtë të shpresojë te përsëritja e suksesit të 2016, sidomos me lojtarë si Joao Felix në kampin e vet. 19 vjeçari ka pasur një sezon me mjaft sfida që prej transferimit te Atletico Madrid në Spanjë. Megjithatë talenti i tij ngelet i padiskutueshëm.
