Na ndajnë tashmë vetëm 100 ditë nga starti i Euro 2020, dhe trajnerët e kombëtareve janë duke selektuar dhe formuar grupin më të mirë të mundshëm për kompeticionin prestigjioz. Në këtë pikë dilemat janë të shumta. Sidomos për numrin 1 të pankinës së “3 Luanëve”, Gareth Southgate.
Trajneri i përfaqësueses angleze ka mjaft çështje për të zgjidhur dhe vendime të rëndësishme për të marrë. Njëri prej tyre ka të bëjë me titullarët në sulm. Duke marrë parasysh se Harry Kane me shumë mundësi e ka të konfirmuar vendin e tij si qendër-sulmues në frontin anglez, lufta për një pozicion në krahët e sulmit do të jetë e ashpër. Kjo pasi Anglia është vërtet “e bekuar” me talente në këtë pozicion. Raheem Sterling, Jadon Sancho dhe Marcus Rashford kanë treguar të gjithë se i kanë aftësitë e duhura për të kontribuar në vijën e parë të sulmit të “3 Luanëve”.
Kë do të zgjedhë Gareth Southgate?
Duke bërë llogaritë në letër, më pak i favorizuari për ta nisur si titullar është Jadon Sancho. Pavarësisht se lojtari i Dortmund ka regjistruar 11 gola dhe 16 asiste me klubin e tij deri më tani, mungesa e eksperiencës në kombëtare dhe kompeticione madhore e penalizon disi atë. Gjithsesi Sancho mund të ketë një impakt të madh për Anglinë nëse hyn në fushë si zëvëndësues në një moment të caktuar.
Një tjetër skenar që Southgate duhet të mendojë është një dëmtim i mundshëm i Harry Kane. Në këtë rast, një alternativë zëvëndësuese për qendrën e sulmit mund të jetë lojtari i Everton, Everton’s Dominic Calvert-Lewin. Calvert-Lewin ka shënuar 18 herë për skuadrën e tij këtë sezon, duke treguar konsistencë në formë.
Një skenar ideal që do u jepte të gjithë sulmuesëve mundësinë për t’u aktivizuar do ishte ai ku Anglia do të shkonte sa më larg në Euro 2020. Pse jo dhe në finale. Kjo do të përkthehej në më shumë minuta aktivizimi për të gjithë. Gjithsesi fati i treshes së sulmit të anglezëve mbetet ende për t’u parë.
Burimi: Dailymail
