Roy Keane, legjenda irlandeze e futbollit, ka kritikuar dhe një herë tjetër mesfushorin francez Paul Pogba. Kjo nuk është hera e parë që analisti dhe trajneri i njohur tregohet kritik ndaj lojtarit, por kësaj rradhe, duket se Keane ka vënë në dukje atë që shohin të gjithë. Paul Pogba nuk është i njejti lojtar kur luan për Manchester United dhe kur luan për Francën.
28 vjeçari ishte në formë të shkëlqyer në super përballjen Francë – Gjermani, të cilën “gjelat” arritën ta fitojnë ngushtësisht. Por, Pogba asnjëherë nuk ka shfaqur të njetën konsistencë me “Djajtë e Kuq” në nivel klubi, dhe ky ishte thelbi i analizës së Roy Keane. Ky i fundit u shpreh për ITV:
“Shikoni, ne vazhdimisht flasim për Paul Pogba. Nuk ka dyshim që është një djalë i talentuar. Por ende kërkoj më shumë prej tij, veçanërisht kur luan për Manchester United. Mbase te Franca është i rrethuar nga lojtarë më të mirë dhe ndihet në pozicionin e tij natyral.”
Irlandezi shtoi:
“Mendoj se kur është me United (Pogba) mbase nuk merr përgjegjësi, ose merr më shumë përgjegjësi se duhet. Ose, nuk ka mjaftueshëm lojtarë rrotull tij që të marrin përgjegjësi. Dhe kjo gjë nuk ndodh te Franca. Mbase tek United Pogba është i izoluar, dhe kjo e bën që të vihet në presion. Gjithsesi është e qartë që ka një diferencë mes Pogbas që njohim me United dhe atij që njohim me Francën.”
Ish-mesfushori i Francës, Patrick Vieira, iu bashkua mendimit të Keane duke shtuar:
“Mbase ka të bëjë me sistemin dhe Pogba ndihet më mirë në atë francez sesa sistemin e United.
Patrick Vieira
Gjithsesi ai është një lider dhe një lojtar i rëndësishëm. Prandaj duhet të marrë përgjegjësi dhe kur luan me Manchester United.”
Pavarësisht vlerësimeve për performancën solo, në intervistën pas ndeshjes, Pogba i dha rëndësi performancës së skuadrës. Mesfushori u shpreh se pa ata (ekipin), nuk do të lunate kaq mirë.