Ish futbollisti i Manchester United, Ryan Giggs, nuk do të drejtojë kombëtaren e Wales në Europian. Giggs është dënuar për agresion ndaj dy vajzave, dhe si rezultat është shkarkuar direkt nga federata e futbollit në Wales. 47 vjeçari i cili ka qenë në krye të përfaqësueses që prej vitit 2008, prej 1 viti ka qenë nën investigim nga autoritetet gjygjësore në qytetin e Manchester.
Në një deklaratë publike, policia e Manchester u shpreh për ngjarjen:
“Një femër rreth të 30-ave u trajtua në vendngjarje për lëndime të lehta.”
Ndërkohë nuk mungoi dhe vet reagimi i Ryan Giggs, i cili u shpreh se nuk do të pranojë akuzat e bëra nga gjykata. Ish futbollisti tha për mediat:
“Kam respekt të plotë për procesin ligjor dhe e kuptoj se sa serioze janë akuzat. Do të mundohem të pastroj emrin dhe reputacionin tim.”
Ryan Giggs
Gjatë kohës që ishte nën investigim, Giggs nuk mundi të drejtojë ekipin në ndeshjet kualifikuese për Kupën e Botës 2022. Ndërkohë ky vendim sigurisht që ka lënë ekipin e Wales pa një trajner. Por federata është treguar e shpejtë, duke emëruar Rob Page si trajnerin e ri në vend të Giggs. Page më përpara mbante rolin e ndihmësit në pankinën drejtuese të ekipit, ndërkohë që ishte në krye të Wales dhe gjatë ndeshjeve kualifikuese për Botërorin 2022. Emri i tij nuk është i panjohur për fansat, pasi Page ka qenë kapiten i ekipit kombëtar, përpara se të shkëputej nga kombëtarja.
Wales është një nga 24 skuadrat e kualifikuara në kompeticionin prestigjoz. Përfaqësuesja që po tërheq gjithnjë e më shumë fansa rreth vetes do të luajë në grupin A, së bashku me Turqinë, Italinë dhe Zvicrën. Gareth Bale është superstari i ekipit, dhe kontributi i tij pritet të jetë kyç në ecurinë e skuadrës.