Barcelona e trajnerit Xavi ia doli të zhvillonte një paraqitje mbresëlënëse, duke fituar 4-2 dhe duke eleminuar kështu italianët e Napoli nga Europa League. Katalanasit u treguan mjaft të shpejtë për të gjetur rrugën e rrjetës, teksa Jordi Alba kaloi në avantazh miqtë në minutën e 8’ të takimit pas një kundërsulmi perfekt.
Më pas ishte Frenkie de Jong që vetëm 5’ minuta më vonë, në të 13-ën, dërgoi përsëri në rrjetë topin me një goditje fantastike me hark. Por në këtë pikë, asgjë nuk ishte e sigurt përsa i përket kualifikimit. Lorenzo Insigne kthehu një penallti në gol në minutën e 23’ të takimit, duke i dhënë shpresë italianëve.
Megjithatë, goli i Gerard Pique në minutën e 45’ ishte goli i sigurisë për Barcelonën, duke mos i dhënë shpresë Napolit të përmbyste rezultatin. Pierre-Emerick Aubameyang gjithashtu gjeti rrugën e rrjetës në minutën e 59’, dhe goli i Politano në minutën e 87’ ishte totalisht i pavlerë për të zotët e shtëpisë.
Ndërkohë nga Skocia, Rangers ia dolën të eleminojnë nga kompeticioni një nga ekipet më të forta, pikërisht Borussia Dortmund. Humbja 4-2 në shtëpi në takimin e parë rezultoi e vështirë për t’u përmbysur nga ana e gjermanëve, që u përballën me rezistencën e fortë të skocezëve në stadiumin e tyre.
Ishte Tavernier që në minutën e 23’ të takimit kaloi në avantazh të zotët e shtëpisë nga pika e bardhë e penalltisë. Dortmund u përgjigj shumë shpejt me 2 gola, fillimisht Bellingham në minutën e 31’ dhe më pas Malen pak para përfundimit të pjesës së parë. Kjo dha imazhin se një përmbysje ishte ende e mundur në pjesën e dytë.
Por goli i Tavernier në minutën e 57’ do të mbyllte përfundimisht çështjen e kualifikimit. Ndeshja u mbyll me rezultatin 2-2 dhe Dortmund, njësoj si Napoli, e sheh veten jashtë Europa League.
