Kapiteni i kombëtares së Uellsit, Gareth Bale, ka deklaruar se do të jetë në formë shumë të mirë fizike për Kupën e Botës. Bale kaloi plot 9 vite të karrierës së tij me Real Madrid, por sezonet e fundit u karakterizuan nga dëmtimet e shpeshta, formë fizike me luhatje, si dhe mjaft kritika nga mediat spanjolle dhe fansat.
33 vjeçari duket se ka rigjetur kënaqësinë e të luajturit futboll, pas transferimit tek Los Angeles FC, dhe këtë e ka pohuar vet uellsiani. Ai u shpreh:
“Është një ndjesi e mirë, fansat kanë qënë shumë suportues këtu. Gjithashtu kanë qënë shumë të duruar, që është një gjë e mirë. Po shijoj lojën këtu, atomsfera është e jashtëzakonshme, dhe të gjithë tifozët po suportojnë ekipin. Nuk mund të kërkoj për më shumë se kaq. Më kanë bërë të ndihem si në shtëpi, që në fillim. Ndjesitë nga MLS janë të mira dhe shpresoj se kjo do të më japë më shumë konfidencë me Uellsin gjithashtu.”
Bale shtoi:
“Familja ime është zhvendosur tashmë këtu dhe kjo është diçka madhore. Tani po bëhem më i fortë fizikisht. Kemi disa ndeshje të rëndësishme në MLS, por pas tyre mund ta kthej vëmendjen time tek Kupa e Botës, dhe shpresoj të jem në formën më të mirë të mundshme.”
Pavarësisht se marrëdhënia e Bale me klubin e tij të vjetër, Real Madrid, pati vështirësitë e veta, sulmuesi gëzon respekt absolut në kombëtaren uellsiane. Lojtari është golashënuesi më i mirë i të gjitha kohërave me 40 gola në 106 paraqitje. Bale gjithashtu luajti një rol të rëndësishëm në kualifikimin e përfaqësueses së tij në Kupën e Botës, për herë të parë pas Botërorit të vitit 1958. Mbetet të shohim se cili do të jetë impakti që sulmuesi do të ketë në finalet e kompeticionit në Katar.