Sulmuesi i Paris St-Germain, Kylian Mbappe, ka thënë se ende nuk e ka vendosur se cili do të jetë hapi i rradhës në karrierën e tij në fund të këtij sezoni. Pas fitores ndaj Toulouse me rezultatin 2-0 në kompeticionin French Champions, ku shënoi dhe një gol, Mbappe u shpreh për mediat:
“Siç kam thënë, kemi ende tituj për të siguruar, tani e fituam një kështu që kjo u bë. Pas kësaj nuk e kam vendosur ende. Por në çdo rast, sipas marrëveshjes që vendosëm me presidentin (Nasser Al-Khelaifi) këtë verë, nuk ka rëndësi se çfarë vendos unë. Ia kemi dalë të mbrojmë të gjitha palët e përfshira dhe të ruajmë klubin për sfidat e ardhshme, që është gjëja më e rëndësishme…”
Mbappe ishte shumë afër largimit me kosto zero nga PSG në fund të sezonit 2021-2022, por eventualisht, francezi firmosi një rinovim kontrate për 2 vite. Mbappe ka refuzuar vazhdimisht ofertat e klubeve të Arabisë saudite gjatë kësaj periudhe, por opsioni për një lëvizje drejt Real Madrid duket se do të jetë gjithmonë në planet e francezit.
Ndërkohë, mediat spanjolle kanë linkuar Mbappe dhe me një lëvizje drejt Barcelonës, por trajneri Xavi është treguar i shpejtë për të hedhur poshtë këto pretendime. Tekniku spanjoll u shpreh:
“Tani më duhet të punoj me lojtarët që kemi pasi e di se në këtë moment nuk mund të mendojmë për lëvizje të tilla. Për fat të keq, nuk jemi në një situatë të privilegjuar ekonomike për të realizuar këtë. Mua më mbeten lojtarët që kam dhe me këta lojtarë duhet të fitojmë.”
Duket se saga e transferimit të Kylian Mbappe do të vazhdojë dhe verën e ardhshme. Një transferim i mundshëm drejt Premier League është gjithashtu një nga mundësitë, teksa Liverpool është përfolur gjatë për interesin ndaj yllit francez.