Trajneri i Arsenal, Mikel Arteta, është shprehur se do të vazhdojë të tregojë emocion nga pankina e trajnerit, pavarësisht pezullimit për 1 ndeshje. Tekniku spanjoll nuk do të jetë i pranishëm në pankinë në sfidën e Arsenal ndaj Aston Villa, për shkak se mori kartonin e verdhë të tretë për këtë sezon në fitoren e Arsenal ndaj Luton. Në këtë sfidë, londinezët realizuan në sekondat e fundit të takimit, duke marrë kështu 3 pikët, dhe Arteta nuk mundi të përmbajë emocionet.
Trajneri i Arsenal komentoi mbi incidentin:
“Nuk di si ta ndaloj veten. Ishte një moment emocional, dhe kur të gjithë janë duke kërcyer nga vendi e humbet pak sensin e hapësirës se ku duhet të jesh. Për fat të keq tani nuk mund të jem në pankinë por është një vendim që ata (arbitrat) e marrin duke iu referuar rregullave në mënyrë strikte.”
Megjithatë, pavarësisht shprehjes së mirëkuptimit ndaj aribtrave, Arteta ka thënë se nuk do të kufizojë veten e tij për të shfaqur emocione, pasi nuk e shikon si të gabuar. Spanjolli shtoi:
“Dua të jem me lojtarët e mi pasi punojmë fort cdo ditë për të arritur atë që duam, që është të fitojmë ndeshje dhe kur i arrin këto momente në sport duhet të jesh në gjendje ta bësh atë (të festosh). E kuptoj se ka rregulla të caktuara dhe kufizime dhe duhet të tregosh respekt për faktin se je në fushë kundërshtare, por nëse do të më jepej shanci do të isha atje duke festuar.”
Trajneri Arteta ishte në qendër të vëmendjes dhe pas komenteve pas fitores kontroversiale të Newcastle ndaj Arsenal para disa javësh. Newcastle shënoi pas një goli mjaft të kontestuar dhe Arteta i cilësoi vendimet e arbitrave të VAR si të turpshme.