Megjithëse Barcelona ndodhet në një fazë tranzicioni, katalanasit kanë arsye për të shpresuar tek një e ardhme pozitive. Kjo falë mesfushorit Gavi. Pavarësisht se Barca është përballur me rezultate zhgënjyese gjatë javëve të fundit, adoleshenti ka dëshmuar aftësi për të marrë përgjegjësi në fushën e blertë.Megjithëse Barcelona ndodhet në një fazë tranzicioni, katalanasit kanë arsye për të shpresuar tek një e ardhme pozitive. Kjo falë mesfushorit Gavi.
Djaloshi është aktivizuar gjithashtu me kombëtaren spanjolle, dhe pavarësisht se ka luajtur vetëm 7 takime, duket se ka fituar besimin e trajnerit Luis Enrique. Mesfushori është grumbulluar për takimin në Nations League përballë Italisë, si dhe i është dhënë numri 9 me fanellën e La Roja. Aftësitë teknike, shpejtësia dhe kontrolli i topit janë elementet që bien më shumë në sy në lojën e spanjollit. Enrique ka dhënë komentet e tij për talentin 17 vjeçar:
“E njoh Gavin prej vites. E kam pare se si ai luan. Prandaj nuk kam asnjë dyshim se ai mund të jetë një lojtar shumë i rëndësishëm për kombëtaren dhe klubin e tij. A është shumë herët? Po, mbase është. Por mendoj se mosha nuk ka dhe aq rëndësi, përsa kohë ke etikën e duhur dhe i përshtatesh kërkesave të trajnerit.”
Pablo Martin Paez Gavira u rekrutua në moshën 11 vjeçare nga Barcelona, dhe rritja e tij si futbollist në 6 vitet e fundit ka qenë e shpejtë. Trajneri i klubit, Ronald Koeman, gjithashtu ka konfirmuar se lojtari e ka të siguruar vendin në skuadrën e tij. Në ndeshjen përballë Levantes, Gavi u shpall “man of the match”, ndërsa në humbjen 3-0 përballë Bayern në Champions, mesfushori përsëri nuk u dorëzua, duke luftuar fort për të organizuar ekipin.
Duke u nisur nga stili i tij i lojës, shumë analistë e krahasojnë Gavin, me ish-mesfushorin legjendar të katalanasve, Xavi Hernandez. Në të njejtën kohë tek Barcelona, Nico Gonzalez duket se po ecën në gjurmët e Sergio Busquets, ndërsa Pedri aktivizohet në të njejtin pozicion si Andreas Iniesta në të kaluarën. Duke thënë këto, tifozët blaugrana kanë arsye për të ëndërruar…
