Gareth Southgate ka publikuar tashmë, listën e tij zyrtare prej 26 lotjarësh që do të jenë dhe figura e kombëtares angleze në Euro 2020. “3 Luanët” fituan në shifrat 1-0 ndeshjen miqësore përballë Austrisë, dhe tani duket se formacioni i mundshëm i Southgate, në finalet e Europianit është më i qartë.
Në portë, sipas të gjitha gjasave, titullar do të jetë përsëri Jordan Pickford. Portieri i Everton ka qenë prej kohësh zgjedhja e parë e Southgate. Tashmë që Nick Pope i Burnley iu nënshtrua një operacioni në gju, Pickford mbetet opsioni i vetëm dhe më i besuar për të mbrojtur rrjetën e anglezëve.
Mbrojtja pritet të përbëhet nga Kyle Walker, Tyrone Mings, John Stones si dhe Ben Chilwell. Walker ka luajtur një sezon pozitiv me Manchester City, dhe pritet të jetë një nga shtyllat kryesore të “3 Luanëve” në repartin difensiv. Mungesa e mundshme e Harry Maguire në takimin e parë përballë Kroacisë i ka hapur derën Tyrone Mings. Mbrojtësi i Aston Villa duket mjaft i përshtatshëm ne pozicionin e tij. Ndërkohë Stones dhe Ben Chilwell do të jenë në zemër të mbrojtes angleze, dhe përqëndrimi i kërkuar prej tyre është akoma dhe më maksimal.
Mesfusha është një nga repartet më interesante të kombëtares angleze, me emra të mundshëm Declan Rice, Jude Bellingham, Mason Mount dhe Phil Foden. Emrat e mesfushës nuk kanë prodhuar surpriza, përveç atij të Jude Bellingham. 17 vjeçari i Borussia Dortmund, megjithëse nuk zotëron eksperiencën e duhur në kompeticione madhore, ka treguar se di të përballojë mirë presionin. Gjithsesi, aktivizimi i mundshëm i tij do të ishte një zgjedhje mjaft e guximshme nga ana e Southgate.
Në sulm, Raheem Sterling dhe Harry Kane janë dy emra të sporovuar dhe me mjaft eksperiencë. Për këtë arsye, Southgate nuk ka pse të sjellë dhe një tjetër sulmues në vijën e sulmit. Sidomos duke marrë parasysh suportin nga mesfusha që vjen nga Mason Mount. Ky i fundit ka dëshmuar disa herë gjatë sezonit, aftësitë e tij të shkëlqyera ofensive.
