Manchester City ka arritur një marrëveshje me lojtarin e River Plate, Julian Alvarez. Anglezët do të paguajnë 14, milionë paundë për shërbimet e sulmuesit, i cili ka pranuar një kontratë 5 vjeçare me “qytetarët”. Megjithatë, Alvarez do të qëndrojë te River Plate si i huazuar, deri në fund të këtij sezoni.
Presidenti i klubit argjentinas, Jorge Brito, tha se City ka qënë i gatshëm të paguajë klauzolën për prishjen e kontratës së sulmuesit. Sipas Jorge, largimi i tij ishte i pashmangshëm. Ai u shpreh:
“Kur shikon gjithçka që Julian ka arritur, kishte shumë gjasa që një klub të paguante klauzolën për prishjen e kontratës së tij. Gjëja më e vështirë ishte të pranonim një lëvizje në formë huazimi, pasi Julian është praktikisht i pazëvëndësueshëm në skuadër.”
Futbollisti ka shënuar 36 gola në 96 paraqitje me River Plate, si dhe është aktivizuar 6 herë me kombëtaren argjentinase. Alvarez konsiderohet një nga talentet më me prespektivë në Amerikën Latine. Sulmuesi ishte pjesë e Argjentinës, kur këta të fundit triumfuan në Copa America.
Drejtori sportiv i Manchester City, Txiki Begiristain, u shpreh mjaft optimist për të ardhmen e talentit në Etihad:
“Besoj vërtet se ne mund t’i ofrojmë atij (Alvarez) kushtet optimale për të arritur potencialin e tij të plotë dhe për t’u bërë një nga lojtarët më të mirë.”
Ndërsa trajneri i River Plate, Marcelo Gallardo, u shpreh i kënaqur që lojtari do të qëndrojë në Argjentinë deri në fund të sezonit:
“Është një marrëveshje e mirë pasi ai do të qëndrojë me ne dhe për pak, ndërkohë që më vonë do t’i bashkohet një klubi të madh. Në këtë moment City nuk ka nevojë për të, ndërsa ne nuk ka nevojë të kërkojmë për një lojtar të kalibrit të tij, që do të ishte shumë e vështirë.”